عايزه ارائكم

[ماريا تى ثيؤتوكوس]

انا عايزه اسألكم ايه رأيكم فى براءة مبارك

والموافق موافق ليه والمعترض برضه معترض ليه

وانا عارفه لا متأكده فى ناس مع برأة مبارك وفى ناس ضد الحكم

وانا هعمل زى بتوع السياسه بعد ما يتكلموا يتكلموا

يقولوا بعد كده لا تعقيب على احكام القضاء

[ماريا تى ثيؤتوكوس]

انا هبتدى برأى انا طبعا ضد حكم البر اءه لأن الناس
اللى ماتت دى فى ثورة يناير دمها راح خلاص
والدوله هى المسؤله عن دم الناس دى
تانتى حاجه الفساد اللى بقاله 30 سنه
والفتن وشهداء كنيسة القديسين اللى فوق 35 شهيد
مبارك ونظامه هو المسؤل عنهم
وامراض السرطان وفيرس سى من سرطنة المبيدات
والاهمال الطبى والتعليم وغيره كتير اوى
بس املنا فى ربنا كبير لو العدل متحققش
فى الارض اكيد هيتحقق فى السما

[ماريا تى ثيؤتوكوس]

على فكره اللى هيشارك
فى الموضوع مش هيتحبس

[Ramez5]

سلام ونعمه
هو فعلاً محدش عاوز يرد
( خايفين من الحبس )

محدش معصوم من الخطأ
وكل نظام له أخطاء ومميزات
محدش يقدر ينكر انجازات مبارك
لكن بدأت السلبيات فى الأعوام الأخيرة فى الحكم
كله دلوقتى بقى عندة مبرر دون دليل
وأعتقد مين اللى قتل المتظاهرين
دة سؤال نسألة برضة مين اللى خرج الناس من السجون
مين اللى حرق الأقسام ، مين اللى حرق المجمع العلمى
لو ركزنا شوية هنلاقى ان دة مخطط لأحراق مصر كلها
وليس اسقاط نظام فقط ....
بدءوا بالفعل فى احراق مصر
ولكن تمكنوا فى الحكم للسيطرة على الدولة
وبعد عام أدرك الشعب بالمخطط ، فكانت الثورة الثانية
ومن هذا اليوم حتى الأن استكملوا مسيرتهم
فى قتل المصريين وحرق مصر
اذاً بكل وضوح لا نحمل العبء على مبارك فقط
لأن لا يوجد انسان معصوم من الخطأ
وكان من الممكن ان يستمر مبارك ونصبح مثل سويا الأن
وهذا ما فعله نظام مرسى الأن نرى اتباعه لا يريدون استقرار هذا الوطن
فما فعلى مرسى فى عامان لم يفعلة مبارك فى ثلاثين عام .............
وأرادو إعادة هذا السيناريو بعد فض الأعتصامات المسلحة رابعة والنهضة
وأثبتوا انهم هم الذين قتلوا المتظاهرين للوصول الى هدف
وعند حكمهم للبلاد أفرجوا عن الإرهابيين والمعتقلين وتجار السلاح
هل فعل مبارك هذا من قبل !!!!
اذاً من قتل المتظاهرين ؟
اذاً الحقيقة واضحة لمن يريد أن يفهمها

[Mary Naeem]

مبارك ممكن ميكنش السبب في قتل الناس

بس مبارك السبب في اللي وصلت ليه مصر

من تخلف وسلم البلد للاخوان

كان بيرعى الاخوان علشان يخوف الشعب بيهم

لغاية ما اتحكموا في البلد

مبارك سبب نكبت مصر

بسبب انه كان عاوز يورث ابنه الحكم

كانت بالنسبة له تركة

المهم مبارك لازم يتحاكم بفساده

لازم يتحاكم على تراجع مصر ووصلها للي احنا فيه

[ماريا تى ثيؤتوكوس]

نورت استاذ رامز

اولا احنا مش بنحمل مبارك كشخص المسؤليه احنا بنحمل مبارك كنظام
هو ررئيس دوله ومسؤل مسؤليه كامله عن كل اللى بيحصل فى البلد
وهو السبب طبعا فى قيام الثوره لانه كان عايز يورث الحكم لجمال ابنه (ليه هى عزبة ابوه)

ثانيا الاخوان زى ما قالت مارى مبارك السبب عملهم فزاعه للشعب وهما صدقوا بس لما مسكوا البلد فشلوا فشل زريع ومرسى كان اسوء من مبارك فى سياسته الداخليه والخارجيه
ثالثا بقى مين الى قتل التظاهرين هما انتحروا فى الشارع كلهم مع بعض لو مبارك والعادلى مش عما القتله زى ما قالت المحكمه فين القاتل الحقيقيى بقى مش دى مهمة النيابه ووزارة الداخليه

طيب كويس استاذ رامز ان حضرتك اكدت
ان محدش هيتبحس علشان يصدقوا بقى ويشاركوا

[ماريا تى ثيؤتوكوس]

الله يا مرمر عليكى
كلامك صح طبعا
وانا معاكى فى كل حرف قولتيه
لازم يتحاكم علشان يكون عبره لغيره هى مش سايبه
وموضوع اشاعة موته خلاص بقيت لعبه ركيكه
مش بنصدقها
لكن ربنا كبير واملنا فيه كبير اوى

[nasser]

موضوع مهم أوى يا ماريا
نبتدى نتكلم:

أنا عايز أقول فى الأول حاجة مهمة بالنسبة لمصر وثانياً بالنسبة للوطن العربى
بالنسبة لمصر سبب المتاعب اللى احنا فيها النهارده هما اتنين السادات ومبارك لأن أيام عبد الناصر أو بمعنى تانى ترك مصر وبها السد العالى والمشروعات العملاقة ومجمع الألومنيوم والجبهة الداخلية القوية والوحدة العربية وتماسك الجبهة الداخلية والشعب وكانت البنات تخرج بالمينى جيب والميكرو جيب ولا يوجد حالة تحرش واحدة وجنازته الأسطورية ليست ببعيدة صحيح كانت الأرض محتلة لكن تم اعادة بناء الجيش بواسطة القائد الأسطورى الفريق عبد المنعم رياض والقائد الفذ الفريق محمد فوزى وبداية حرب الاستنزاف تمهيداً لحرب أكتوبر المجيدة وأيضاً العلاقة القوية بين البابا كيرلس وعبد الناصر والمسيحيين كانوا مبسوطين أيام عبد الناصر والزعيم قال قبل كده انه فى هذا البلد لا يوجد تفرقة وهو مسئول عن كل واحد فى هذا البلد
ثم جاء السادات وأنا آسف انى هاكتب عن السادات باللون الأسود لأن عصره بداية السقوط وفتح السجون للارهابيين لكى يخرجوا منها ومضى على اتفاقية كامب ديفيد المشئومة التى نصت على أن سيناء تكون منزوعة السلاح أى لا يوجد بها جيش وهذا هو السبب فى حرب سيناء الآن وأيضاً الانفتاح الاستهلاكى ثم خلافه مع البابا شنودة واضطهاد المسيحيين فى عهده وفى تصريح للسادات عام 1969 فى المؤتمر الاسلامى قال فيه:انه بعد عشرين سنة سيتحول المسيحيين فى مصر الى شحاذين..مش عايز أطول تانى
وبالنسبة لمبارك وعصره وهو 30 سنة فساد وبيع القطاع العام وانتشار الأمراض الخطيرة والقمامة فى كل مكان واهدار ما بنته الأجيال فى صفقات الخصخصة الفاسدة وأبناء الشوارع اللى مكانتش موجودة أيام عبد الناصر ولا السادات أيضاً وترك سيناء للارهابيين ترك ابنه وعصابته يفعل ما يشاء فى البلد والتوريث وغيره..ونرجع لموضوعنا الرئيسى وهو كان يجب محاكمة مبارك وعصابته سياسياً ومحاكمته محاكمة ثورية لأن أى حاجة غير كده هيطلع براءة
وآخر حاجة بالنسبة للعرب سبب كل كوارث العرب والتدخل الخارجى هو صدام حسين لأنه بتدخله فى الكويت واحتلالها فى 24 ساعة أتاح الفرصة لأمريكا والدول الغربية بالتدخل فى الوطن العربى

شكراً يا ماريا على طرح هذا الموضوع المهم للنقاش

[ماريا تى ثيؤتوكوس]

انا معاك على فكره فى عهد عبد الناصر كان ممتاز
بس كمان هو سبب النكسه 67 وكانت فتره صعبه
وابتدا من عنده الحكم العسكرى
السادات ده اسوء شخصيه ومتفقه معاك فى كل حرف قولته
وهو كان فى قمه عربيه
وقال هخلى احسن واحد مسيحى فى مصر ماسح احذيه

مبارك طبعا عهد الفساد والتوريث و الصفقات المشبوهه
وزى ما قولت ناصر الخصخصه اللى كملت على خراب البلد

روعه يا ناصر تعليقك اثرى الموضوع بجد