تَعْمَل بيدين راضيتين

[Rena Jesus]

الكلام ده واحدة كتبته وماقدرتش أفوته ..
بتقول :
جوزى عدَّى عليَّ في المطبخ وانا باغسل المواعين وحب يشجعنى
فقال بصوت عالى "تَعْمَل بيدين راضيتين" ..
دى آية بتحكى صفة من صفات المرأة الفاضلة المذكورة في امثال ٣١ ..

الكلمة رنت في ودانى وقعدت أقول
"كنت عمَّالة اهرى في نفسى بكلام كتير ..
كله ياخد أجازة من شغله إلا الأم!
مكتوب عليَّ اشتغل مسح وتنضيف كل يوم ومفيش جديد!
كل يوم باعمل اللى باعمله ده وآخر اليوم كأنى معملتش حاجة!
بس الآية "تعمل بيدين راضيتين" ماعدتش من يومها عليَّ مرور الكرام..
لكن الرب قصد بيها ينور ذهنى ويكشف لى أمر جديد

ياترى هيكون إيه إحساسى لو عيالى كبروا وواصلة لهم رسالة إنى طول ما أنا كنت باربيهم كنت حاسة بإنى أم مقهورة بسبب الأمومة وتعبها؟؟
يفرق معايا إن الولاد يكبروا وهم حاسين إنهم محبوبين بلا شروط وباعمل لهم طلبات بقلب فرحان ..
بمجرد إن الآية غيرت تفكيرى بقيت مبسوطة وانا باعمل شغل بيتي من الصغير للكبير ..
راضية اتعامل مع طلبات بلا حدود ..
راضية افك اشتباكات ..
راضية لإنى استلمت المهمة من الله ..
راضية لإن اللى باتعب عشانهم يستاهلوا أحسن ما عندى ..
أنا هاكون راضية بجد لإنى باحب بيتي ..

إبدأى يومك بالتوجه ده وماتسمحيش للأفكار السلبية والهرى يتسربوا لدماغك ..
كلمى نفسك دايما بالحق انشالله تعملى كده بصوت عالى ..
خلونا نفصل مابين تعب المهمة .. وغلاوة بيتي ..
وكمان لازم اريح لما اتعب بالطريقة اللى بتفرفشنى .. أقرا .. اشرب شاى ..
ارنم بصوت عالى .. هاصلى الرب يشحنِّى بالطاقة ..
وخلونا ماننساش ان الرب شايف ومقدَّر تعبنا ..
ربنا يحافظ علي بيوته وعياله ويدينا الحكمة والنعمة منه

انا حسيت ان ربنا باعت الكلام ده لناس كتيييير..
الكلام مش موجه للست بس..
موجه لكل واحد بيعمل حاجة مش حاببها وغصب عنه لمجرد انها فرضت عليه او اضطر يعملها..

[walaa farouk]

الكلام مش موجه للست بس..
موجه لكل واحد بيعمل حاجة مش حاببها وغصب عنه لمجرد انها فرضت عليه او اضطر يعملها

ميرسي على مشاركتك الجميلة

[Mary Naeem]

انا حسيت ان ربنا باعت الكلام ده لناس كتيييير..
الكلام مش موجه للست بس..
موجه لكل واحد بيعمل حاجة مش حاببها وغصب عنه لمجرد انها فرضت عليه او اضطر يعملها..
ربنا يباركك

[Rena Jesus]

ميرسى لمروركم الغالى