|
 |
 |
 |
|
|||||||
 |
|
|
أدوات الموضوع | انواع عرض الموضوع |
|
رقم المشاركة : ( 1 )
29 - 05 - 2017, 10:13 AM
|
|||||||||||
|
|||||||||||
|
عصر الشهداء الأبطال مانتهاش دا لسه هايبتدي.. حكاية بطل نقلاً عن شهود عيان  #حكاية_بطل نقلاً عن شهود عيان تعديل بسيط _تنويه ... البوست ليس به اي شئ من هذه الكلمة الفارغة #الفتنة وانه يتكلم عن صمود شهداء أمام مجرمين يتخفون في ثوب الدين.. وشكرا الشهيد _ بيشوي إبراهيم عدلي صحي بدري من نومه رايح الدير يزور الأنبا صموئيل مع والدته و أخته الرحلة كانت عائلية ركبوا الاتوبيس من نزلة حنا الفشن وراحوا بني مزار ياخدوا بقية الناس من هناك ويكملوا طريقهم للدير عدوا الكمين ووصلوا ل منطقة المدق واذ فجاءة عربيتيين دفع رباعي ( جيب_لونها بيج ) تضرب علي الاتوبيس نار من الخلف عم بشري السواق يحاول يدوس بنزين ويبعد عنهم ولكن عربياتهم مجهزة للسرعة لحقوهم و ضربوا الكاوتش الأمامي وبعد كدا ضربوا نار علي عم بشري السواق مباشرة ( طلقة ف الصدر و 3 طلقات في رجله ) توقف الاتوبيس تماما نزل سامح يشوف في ايه ضربوه بالنار واستشهد واحد ينده من قدام اجري يابيشوي اقفل الباب عشان مايلحقوش يدخلوا ... رعب و خوف بشكل غير طبيعي بيشوي يجري ومعاه هاني يحاولوا يقفلوا الباب وهما يضربوا نار علي الاتوبيس عشوائي من الخارج واللي يموت ويموت ونجحوا فعلا انهم يدخلوا الاتوبيس والدة بيشوي خبت أخته تحت الكرسي و حطت عليها شنطة عشان مايخدوش بالهم منها ويقتلوها بيشوي واقف قدام مامته و اخته عشان يحميهم قالولهم ديانتكم إيه ...? ردوا وقالوا مسيحيين واحد من الملثمين قالهم : قولوا الشهادة و نسيبكم الكل قال لأ .. الأبطال قالوا لأ كل دا وبيشوي واقف قدام مامته واخته عشان يحميهم وفعلا بدأوا ضرب النار في الشباب والرجالة واحد ورا التاني ب إحتراف شديد إنهم يموتوهم أما الستات و الاطفال بيحاولوا يصيبوهم وهنا بيشوي البطل جه دوره وقف حاطط إيده نحية والدته وهو واقف قدامهم زي الجبل أخد طلقة في الصدر وطلقة في الرقبة واستشهد الملثمين الجبناء نزلوا من الاتوبيس بسرعة وحاولوا يولعوا فيه و اخدوا عربياتهم بعد ماواحدة عطلت ولعوا فيها و أخدوا ربع نقل من علي الطريق وجروا ع الصحراء الاتوبيس ماولعش ... العناية الإلهية بيشوي استشهد علي كتف أمه واخته جمبه استشهد وحماهم ووقف بطل قدام النار عشانهم الوحيدين اللي ماحصلهومش حاجة بسبب حبه و إيمانه ب ربنا استشهد مش عشان يحمي أهله وبس إستشهد عشان ثابت علي إيمانه و عارف إن فخر الموت علي إسم يسوع المسيح إستشهد كالأبطال _ ماري جرجس و أبو سيفين إستشهد و كأنه يقول .. لي إشتهاء أن أنطلق مع المسيح ذاك أفضل جدا  ❤إشفع فيا أمام المسيح إنت و كل اللي معاك وماتنساش اني قولتلك لسه في بيشوي كمان و كمان و كمان مستنيين .. عصر الشهداء الأبطال مانتهاش دا لسه هايبتدي ...  💪#أنظروا_الي_نهاية_سيرتهم #وتمثلوا_بإيمانهم #الشهيد_بيشوي #بقا_ليا_صاحب_شهيد #أذكرنا_أمام_عرشه_يابطل #مستني_دوري نقلا عن فيس بوك 
|
|
|
| قد تكون مهتم بالمواضيع التالية ايضاً |
| الموضوع |
| شهود عيان |
| الرسل شهود عيان |
| شهود عيان |
| الرسل شهود عيان |
| الرسل شهود عيان |
العرض العادي
