أنواع الشباب ع النت

[Marina Greiss]

1- المأموص

ده بقى قاعد........ وحاطط ايده على زرار الزعل اي حاجة تقوليها تبقي بتقصديه

او بتقللي من شانه......... وبعد كام مرة كلام....... ممكن يقولك اديني نمرة تليفونك

ولما تعتذري....... هيقولك انا هحترم رغبتك وهيركبلك الوش الخشب......... ومن وقت

للتاني هتاخدي البلوك ف وشك.......... فنصيحه من اولها كده اديله بلوك وديليت

2- صاحب الدم الخفيف

ده خنيق...... ومتعرفيش مين الي خدعه....... وقاله ان دمه خفيف....... وكل كلامه قفشات
وضحك......... والمفروض انك تكوني مجامله وتضحكي......... بس منصحكيش تيجي على اعصابك

3- المودى

دي بقة شخصية بتتنوع كل يوم على حسب المود.......... هتحسي انك بتكلمي واحد

عنده انفصام فى الشخصية انهاردة رزين وعاقل.......... وبكرة لاسع......... وبعد يومين رخم



4- اللزقة

والنوع ده عايز حزم فى التعامل

معاه لأن كل كلامه انتي فين ؟ بتتاخري

في الرد ليه؟ انتي بتكلمي حد ؟؟ ياعم.......... وانت مالك

ليه ......ولو قلتيله ثواني هيقولك ليه رايحة فين؟ متتاخريش ... ايه

ده انتي لسه مجيتيش ؟؟؟

5-الناصح

صباح الصداع مع كل جمله هتقوليها......... هتاخدي نصيحة......... وفيه عرض خاص قولي

جملتين وخدي اربع نصايح......... العرض مستمر حتى نفاد الكمية ........ولو على

منتدى زينا كده هتلاقيه بيقولك ليه شيلتي

الصورة دي وحطيتي التانية


6- الحبيب

انا فيا جاذبية وكل البنات بتعجب بيا ....... ايام ما كنت ف الكليه

كنت عامل ازمه والبنات بتتخانق عليا...... الكارثةبقى ان اي جمله

هتقوليها هيفهم ان انتي معجبه........اصله مش بمزاجك هتحبيه يعني هتحبيه

7- حريقة بنات

ده بقى لو في منتدى تلاقيه مركز على كل البنات ومبيعملش

اي حاجة تانية غير كده......... الكوميدي بقى لما يتلخبط ويعتقد ان الأسم ده

انثوي

ويندمج وبعدين يطلع واحد صاحبه

8- الكداب

من اول الإسم والسن واي معلومة خدتيها كدب في كدب ومتعرفيش ليه ده بقى


9- العبيط

ده هتلاقيه على طول حاطط صورته....... وذنب عليكي تتفرجي.......... ويشيل الصورة دي يحط

التانية وكل شوية يفتح الكاميرا مع نفسه

10-المتزوج

ده ممكن يكون على النت من سنة 96 واتخرج واشتغل واتجوز وجاب عيال ولسه

قاعد يتعرف على بنات وكل ما يكلم واحدة يقنعها انه مش متجوز وبيدور

على عروسة وصباح السرحان ولو جربتي كل يوم تدخليله بايميل غير التاني

هتسمعي قصة حياته كل يوم مختلفة

[god is love]

5-الناصح

صباح الصداع مع كل جمله هتقوليها......... هتاخدي نصيحة......... وفيه عرض خاص قولي

جملتين وخدي اربع نصايح......... العرض مستمر حتى نفاد الكمية ........ولو على

منتدى زينا كده هتلاقيه بيقولك ليه شيلتي

الصورة دي وحطيتي التانية


عجبنى قوى العرض بتاع اربع نصايح هديه ههههههههههههه
ميرسى يا سكره على موضوعك الظريف
ربنا يبارك حياتك

[Hany Meshel]

موضوع اكتر من رائع
يا مارينا

[Mary Naeem]

شكرا يا قمر على المشاركة الجميلة
ربنا يفرح قلبك

[martina fathy]

ميرسى على مشاركة جميلة

[Marina Greiss]

ميرسى ليكم على مشاركتكم