تاملات فى سفر نحميا الاصحاح الخامس

[بنتك يايسوع]

تاملات فى سفر نحميا الاصحاح الخامس

الايه التاسعه بتقول
وقلت: ليس حسنا الأمر الذي تعملونه. أما تسيرون بخوف إلهنا بسبب تعيير الأمم أعدائنا

بصراحه عجبتني اووووى الايه دي هنا نحميا بيعاتبهم ويقولهم مش كويس اننا منمشيش حسب تعاليم الهنا عشان خاطر تعيير اعدائنا لينا
يعني لو طبقنا الايه دي علينا كل واحد يقول لنفسه انا ماشي حسب تعاليم يسوع ولا ماشي زي ما الناس عايزني يعني ممكن انا كبنت اجيب لبس مثلا لا يليق ان بنت المسيح تلبسه و اقول اصل بنات كتييير لابساه
او اكون بروح الكنيسه وعايشه حياه حلوه مع ربنا وارفض الغلط
الاقى ناس كتير زعلت منى وقلتلى انتى معقده احنا مش عايشين فى دير يابنتى فكيها بقي ولا ممكن اكون عملت خطيه كبيره بس خلاص فوقت منها وقلت هرجع ليسوع لكن الاقى صوت جوايا يقولى مينفعش ترجعى انتى خاطيه ربنا مش هيقبلك ربنا عايز ابرار واسيب ربنا ومرجعش ليه بسبب تعيير الشيطان او الناس ليا بانى خاطيه
لا انا ماليش دعوه بكلام اى حد مهما ان كان هو مين
مش مهم ف نظر الناس انا مين الاهم انا فى نظر يسوع ابقي ايه
ـــــــــــــــــــــــــ
و الايه رقم 16 بتقول
وتمسكت أيضا بشغل هذا السور، ولم أشتر حقلا. وكان جميع غلماني مجتمعين هناك على العمل


ودي برضو ايه جميله بيقول نحميا ان رغم الضيق و المحاربات اللى كانت بتواجههم الا انه تمسك ببناء السو هو و جميييييع غلمانه
وده اللى احنا المفروض نعمله مهما كانت محاربات الشيطان لينا مهما كانت الضيقه مهما كانت التجارب ده مش هايشغلنا عن بناء حياتنا الروحيه وعشرتنا مع ربنا لان بولس الرسول قال خفة ضيقنا الوقتيه تنشئ لنا اكثر فاكثر ثقل مجد ابدى يعني انا عارف ان كل الضيقات دي وقتيه ومش هاتبعدني عن يسوع ولا هاتخليني انسي الهدف الاساسي اللى ربنا خلقنى عشانه وهو انى استعد للسكن فى ملكوت يسوع اجهز مكانى عنده اعيش لابديتي مفكرش اشترى حاجه من العالم لا شوه ولا متعه استخدم كل حواسي لمجد اسم ربنا كل مواهبي ووزناتى الل هو ادهالى مهما كانت ف نظرى قليله ربنا دايما بيبارك فى القليل والبابا شنوده قال لو عندك النيه ربنا يديك الامكانيه بسسسسسس ربنا طالب مننا النيه وهو هايكمل
حبه واستني منه عجائب وهاتشوف بعنيك المستحيلات بتتحقق

اذكـــــــروونــى فــى صلـــواتكــــــم


mrmr bent elbaba