| |
|
|
|
|
|
||||||
|
|
أدوات الموضوع | انواع عرض الموضوع |
|
#1
25 - 09 - 2016, 09:42 AM
|
||||
|
||||
|
التحدي!!! الحلقة السادسة من ( ازمة ارتباط ) اتكلمنا فى ال 5 حلقات السابقة من ازمة ارتباط عن (الجدية - النضوج - الفرصة - الوضوح - الهدوء) النهاردة هنتكلم عن التحدي الاكبر.. تخيلوا معايا .. او اسئلوا نفسكم و انا كمان هسألكم .. و هسأل البنات تحديدا .. جاوبى على السؤال الجاي ده بكل امانة وصدق .. السؤال بيقول : إلي أى مدى ممكن تسيبى شغلك ( ابو مرتب كبير ) و تتجوزى الشخص اللى بتحبية بس هتعيشوا فى مكان خارج مصر و تشتغلوا اشغال بسيطة؟؟؟ صعب السؤال؟؟ ابسطهولكم شوية مثال: انا بنت بشتغل فى بنك استثماري بقالى كتير.. او مهندسة او مديرة مكتب شخصية كبيرة و مرتبى ضخم .. و جالك شاب و حبيتوا بعض لكن هو هيعيش بره مصر و هيبدء حياتة بشغل مش واو اوى يعنى .. هتقبلى تسيبى شغلك الفخم ابو مرتب جامد و برستيج و تسافري معاة برة تشتغلى فى مطعم مثلا؟؟ طيب انا ليه بسأل السؤال ده؟؟ علشان عندنا ناس كتير اوى مركزها الاجتماعى منعها من الارتباط بشباب حلوين اووى و اولاد ربنا لمجرد ان المجتمع حط فى بالهم فكرة معينة انهم بقوا واوووو و يستحقوا حد اعلى زيهم عايزة حب ولا عايزة فلوس؟؟ عايزة حب ولا فلوس و لا شهادة؟؟ طيب حب ولا فلوس ولا شهادة ولا عيلة ونسب تتفشخروا بيه؟؟ هااا هنفصلك العريس منين؟؟ ممكن تلاقى حاجة متلاقيش الباقي طيب هو فيه عريس تفصيل؟؟ لا مفيش تفصيل.. فيه جاهز جاهز زى ما هو من ربنا ليكى لو ابن ربنا و بتحبوا بعض و مرتاحين لبعض.. ده الجهاز ربنا معندهوش تفصيل... عارفين ليه؟؟ علشان كلنا فينا عيوب.. هيفصلك واحد مخصوص علشانك فيه كل الامتيازات بدون عيوب؟؟ اكيد مفيش كدة... كام حد هنا فى البنات .. شهادتها او مركزها الاجتماعى حبسها جوة دايرة انها ترتبط بحد يكون نفس الشهادة او العيلة او الفلوس ؟؟؟!! ازمة الارتباط مش كلها فى التواصل و التعارف و الفرش و الشبكة و الشقة..لا ازمة الارتباط بتاخدنا لانك معاكى شهادة كبيرة من وجهه نظر المجتمع المريض او انك بتشتغلى وظيفة بفلوس اعلى من فلوس الشاب اللى هيتقدملك فا الامور بتبوظ بسبب الكلام الفارغ ده الخلاصة.. اوعى شهادتك او مركزك الاجتماعى يخليكى تبصى على الناس انهم اقل منك وترفضى عرسان ولاد ربنا و بيحبوكى و انتى بتحبيهم لمجرد ان وظيفتك اعلى او فلوسك اعلى ... مش بالفلوس ولا بالوظيفة ... بمشيئة ربنا عايزة مشيئتة وله مشيئتك؟؟؟ هاااا فكري المستوى الاجتماعى المتقارب ملهوش علاقة بالشهادة على فكرة cpd التعديل الأخير تم بواسطة Rena Jesus ; 25 - 09 - 2016 الساعة 10:00 AM 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ازمة إرتباط !! الحلقة الاولي (الجديه) | Rena Jesus | شبابيات الفرح المسيحى | 6 | 26 - 09 - 2016 09:14 AM |
| أزمة ارتباط - الحلقة الثانية ( النضوج ) | Rena Jesus | شبابيات الفرح المسيحى | 6 | 26 - 09 - 2016 09:14 AM |
| أزمة ارتباط.. الحلقة الثالثة - (الفرصة) | Rena Jesus | شبابيات الفرح المسيحى | 6 | 26 - 09 - 2016 09:14 AM |
| ازمة إرتباط - الحلقة الرابعة (الوضوح) | Rena Jesus | شبابيات الفرح المسيحى | 6 | 26 - 09 - 2016 09:14 AM |
| أزمة إرتباط - الحلقة الخامسة (الهدوء) | Rena Jesus | شبابيات الفرح المسيحى | 6 | 26 - 09 - 2016 09:14 AM |
العرض الشجري