|
 |
 |
 |
|
رقم المشاركة : ( 1 )
30 - 06 - 2015, 09:34 AM
|
|||||||||||
|
|||||||||||
|
تاملات فى سفر نحميا الاصحاح الرابع من الايه 1 لــ 12  الايه التانيه بتقول وتكلم أمام إخوته وجيش السامرة وقال: ماذا يعمل اليهود الضعفاء ؟ هل يتركونهم ؟ هل يذبحون ؟ هل يكملون في يوم ؟ هل يحيون الحجارة من كوم التراب وهي محرقة يمكن الايه دي بتوضح اوووى اشكال حروب الشيطان لينا الشيطان مش شرط يحاربنا بنفسه انما ممكن عن طريق اللى حوالينا ممكن كمان يكون اعز صديق لينا الشيطان يستخدمه ضدنا لما الشيطان سمع ان اليهود خلاص فكروا ف حياتهم الروحيه وبداوا يبنوا عشره جميله مع ربنا قعد يستهزأ بيهم ويقول ازاى يعني اليهود الضعفاء ممكن يرجعوا زي ما بيعمل معانا بالظبط يييجي اول ما انوى اتوب عن خطيه الاقي صوت جوايا يقولى هو انتى بتكدي على نفسك ولا على ربنا ماانتى يومين وهاترجعيلها تانى ده لو كملتى اليومين يعني ياشيخه بلاش اوهام بقي لما تنوى تتوبي بالمره ابقي ارجعيله لكن طالما عارفه انك هاترجعى للخطيه تانى يبقى بلاش تمثيل او ييجوا اللى حواليا ويقولوا ايه ده شفوا فلانه بقت قديسه ازاى مش دى اللى كانت بتعمل وتعمل وتعمل سبحان من مغير الاحوال جاى تعمل علينا باره وطاهره متعرفش اننا عارفين ماضيها الاسود ومشيها الوحش ــــــــــــــــــــــ الايه الرابعه بتقول الايه بتقول اسمع يا إلهنا، لأننا قد صرنا احتقارا، ورد تعييرهم على رؤوسهم، واجعلهم نهبا في أرض السبي بس الايه الرابعه بقي بتورينا ازاى يكون رد فعلنا على الكلام ده بيقوله بص يارب انا عارف انى خاطى عارف انى محتقر فى نظر الناس وكمان نظر نفسي وف كل حته يعايرونى بماضيا بس انا جايلك وعارف انك هاتقبلنى ماانت يارب جاى عشان اللى زيي مش عشان البارين ماانت كنت عارف ان بطرس هاينكرك ومع ذلك كنت بتحبه وخليته صخرة الكنيسه حتى ف عز خطيتي ونكرانى بتكون حارسنى ومعايا اسمع كلام الشيطان واللى حواليا واتصرف انت بقي ـــــــــــــــــــــــــــــ و الايه السادسه بتكمل الكلام ده الايه بتقول فبنينا السور، واتصل كل السور إلى نصفه وكان للشعب قلب في العمل يعني رغم كل الكلام والتعيير اللى هسمعه يارب ده مش هايعطلنى انى ابنى السور مش هايعطلنى ان ابنى خياتى وعشرتي معاك وكمان كان الشعب قلب ف العمل يعني كل حواسي هتساعدنى انى ارجعلك رجوعى ليك مش كلام هقوله لكن افعال هاتشوفها منى يارب بس ساعدنى انا لوحدي مش هقدر ماانت اللى قلت ان لم يبنى الرب البيت فباطلا تعب البناؤون يعني لو انت مساعدتنيش وبنيت معايا حياتى تعبى وسهرى باطل وهقع ف الخطيه تانى لكن طول ماانت معايا محدش هيقدر يقربلى ـــــــــــــــــ الايه رقم 11 دى مهمه اوووووى ولازم ناخد بالنا منهاااا الايه بتقول وقال أعداؤنا: لا يعلمون ولا يرون حتى ندخل إلى وسطهم ونقتلهم ونوقف العمل وده اللى بيعمله الشيطان يعني لما بيجي يعرض علينا خطيه مش بيبلنا انها خطيه ولا حتى بيوضحلنا انها هاتزعل ربنا مننا بالعكس بيجي بكل دهاء ويقنعنا ان ده عادى وان كل الناس بتعمل كده وربنا قلبه كبير وهايفهم نيتنا واننا مش قصدنا الخطيه وبيفضل يتسحب يتسحب لحد مايوقعنا ف خطيه وياريت بتكون خطيه واحده وانما خطيه بتجر خطيه ورا التانيه ورا العاشره اذكـــــــــرونـى فــى صلــواتكـــــم mrmr bent elbaba 
|
| أدوات الموضوع | |
| انواع عرض الموضوع | |
|
العرض الشجري