|
 |
 |
 |
|
|
|
رقم المشاركة : ( 1 )
18 - 03 - 2023, 09:59 AM
|
|||||||||||
|
|||||||||||
 الكتبة والفريسيين شخصية يوم الإثنين من أسبوع الآلام واللي قصد بيها رب المجد شجرة التين الكتبة والفريسيين هم مثال لتلك الشجرة اللي مليانة أوراق لكنها بلا ثمر قبل ما ندخل في التأمل في الشخصيتين لازم نتعرف عليهم الأول أولا الكتبة دول اللي كانوا بينسخوا (يكتبوا نسخ طبق الأصل) التوراة بخط اليد وليهم مدارس ومشرفين وبسبب كثرة النسخ حفظوا التوراة عن ظهر قلب فكان ليهم مكانة خاصة عند اليهود ثانيا: الفريسيين ودول طائفة منعزلة ودول يرجح انهم اللي اشتركوا في الثورة المكابية ضد انطيوخوس أبيفانيس يؤمنوا بالقدر ويؤمنوا بخلود النفس وقيامة لاجسد ووجود الأرواح فكانت مهمتهم تعليم الشعب الشريعة تعالوا نتعرف على شجرة التين (الكتبة والفريسيين) 1- ورق بلا ثمار لما لعن رب المجد شجرة التين لأنه لم يجد فيها ثمر لأنه لم يكن أوان التين اولا: الشجرة في بيت فاجي يعني بيت الفج يعني مشهور بالتين الفج اللي بيثمر قبل أوانه ثانيا: طبيعي ان التين بيخرج مع الورق علشان كده الكتبة والفريسيين كانوا ورق بلا ثمار كل اعمالهم لمجد الناس 2- عثرة للجميع زي ما شجرة التين تخدع كل واحد من بعيد ان فيها ثمار لأنها مليانة أوراق كانوا الكتبة والفريسيين يثقلوا على الشعب يحملون الناس أحمالا ثقيلة ولا يحملوا عنهم ولا بأصبعهم الصغير 3- مقاومة الحق علشان متكبرين وعايشين السلطة كانوا بيقاوموا كل اللي يقف في طريق سلطتهم قاوموا رب المجد في كلامه قاوموا يوحنا المعمدان وقال عنهم يا أولاد الأفاعي قاوموا الرسل والأنبياء وقال عنهم الرب يسوع اصحاح كامل في الويلات تعالوا نطبق اللي اتعلمناه 1- اهتم انك تكون مثمر حتى لو كان ثمرك قليل لا تنظر لكم الأوراق (مدح الناس - شكلك قدام الناس) لكن اهتم كم واحد عرفتهم بالمسيح 2- لا تكن عثرة للناس بتصرفاتك انت كخادم مثل مراية للناس هتشوف اخطائك قبل مميزاتك علشان كده ممكن ناس كتير تترك ربنا بسببك ويكون لك ويل كبير ويل لمن تأتي به العثرات 3- احذر من الكبرياء لأنك هتكون مقاوم للحق ومقاوم لربنا مفيش حد وقف قدام ربنا وكانت نهايته سعيدة 
|
 |
|
| قد تكون مهتم بالمواضيع التالية ايضاً |
| الموضوع |
| شخصيات كتابية نتعلم منها (ألعازار كبير الكتبة) |
| شخصيات كتابية نتعلم منها ( ادم ) |
| شخصيات كتابية نتعلم منها ( نخو ملك مصر ) |
| شخصيات كتابية نتعلم منها (سام ابن نوح) |
| شخصيات كتابية نتعلم منها (سام ابن نوح ) |
العرض المتطور