|
 |
 |
 |
|
|
|
رقم المشاركة : ( 1 )
25 - 09 - 2016, 09:43 AM
|
|||||||||||
|
|||||||||||
|
أزمة ارتباط - الحلقة الثانية اتكلمنا فى اول حلقة فى ازمة ارتباط هو غياب اهم و اول عنصر فى الارتباط و هو ( الجدية) فى غياب الجدية من طرف او الطرفين فا التعارف مش بيكمل او على الاقل محدش بيكمل و جواه امل من الطرف التانى دلوقتى هنتكلم عن تانى عنصر مهم فى ازمة الارتباط و اللى بيخلى مشكلة الارتباط حاليا فى مصر من اصعب الامور ... و مشكلة النهاردة هى ( النضوج ) طيب يعنى ايه الموضوع ده؟؟ يعنى هنعتبر ان فيه طرفين جادين .. و اظهروا جديتهم تماما و فعلا ابتدوا يتكلموا مع بعض .. هووب ... فجأة .. طرف من الاتنين لقى ان الطرف التانى .. لا موقع له على خريطة التفكير الناضج الواعى العاقل المتزن الحكيم..!!! يعنى اقعد قدام بنت زى القمر و من عيلة راقية و تلاقى الحوار باهت اوى .. كله داير حوالين الموضة او مواضيع تافهة .. و تلاقى الولد لو ناضج فا بدء يفتح مواضيع ليها قيمة و مواضيع جد جداا و تلاقى البنت ترد بعدم فهم او ترد ردود زى ( يا عم كبر مخك احنا هنوجع قلبنا ليه) و الكارثة الاكبر ان البنت لو ناضجة و الولد مش ناضج .. و البنت بتتكلم كلام ليه معانى و افكار محترمة و تلاقى الولد عامل زى فرقع لوز!! طول الوقت هزار و قفش و ( قلش) و ولا فى بالة حاجة!!! لا فاهم يتكلم ولا عنده فكر ولا رأي وكل كلامة هزار و دلع .... هنا بقى الطرف الناضج بيتصدم و تقريبا مره او مرتين كمان فى الحوار وبيبدء يصرف نظر و ينسحب فا الطرف التانى يزعل و يقول لنفسة ( انا معملتش حاجة .. ليه بترفض .. ليه محدش قابلنى ما انا كنت جاد او جادة ) طبعا الموضوع هنا ملهوش علاقة انك كنت جاد .. الجدية دي واجبة عليك مش صفة على هامش العلاقة .. لا طبعا دى بداية العلاقة ... لكن انت او انتى مكنتيش مشبعة فى نضوجك. فين ثراء الافكار؟؟ فين الاتزان؟؟؟ فين الحكمة الى مفروض تكون متوفرة فيك كبنت او ولد ناضج؟؟ فا الولد الناضج اللى اتعامل مع بنت متعرفش حاجة فى حياتها غير مامى وبابى و الخروج و الفسح .... بيقول لنفسة ( و دى تفتح بيت ازاى؟؟ هتربى ولاد ازاى دي)؟؟ و يبدء ينسحب. و نفس الحال مع البنت لما تلاقى الولد مش ناضج و لعبى اووى مع انه جاد وعايز يرتبط ... فا مش بتشوف الشخص المهرج ده انه راجل يعتمد عليه او انه يكون ابو اولادها .. و على فكرة ... فارق كبير ما بين انى اكون دمى خفيف وبهزر وجاد فى نفس الوقت .... وبين انى اكون تافهه و هايف و طول الوقت قلش عمال على بطال وميطلعش منى كلمة واحدة تخاطب مخ و عقلية الطرف الاخر!!! تفرق كتير اوى الخلاصة اول خطوة لازم تتحس من الطرف للطرف هى ( الجدية ) تانية خطوة ( النضوج ) انت هتفتح بيت.. هتفتحة بأية؟؟ بفتاحة وله ايه؟؟ لا طبعا اسمعوا معايا كلمة الانجيل .. وهى بتقول ( بالحكمة يبنى البيت و بالفهم يثبت ) امثال 24 طيب هتبنى البيت على القلش؟؟ لو مفيش حكمة وعقل و نضوج .. عايز البنت تكمل معاك ازاى؟؟ معلش سوري يعنى .. ممكن تكون شايفاك مش راجل من وجهه نظرها و انتى زعلانة لية انه مكلمش تعارف و هو مشافكيش ناضجة اصلا!! و اقولك كلام فى سرك؟؟ الولد او البنت اللى عايز يرتبط .. مش بيضيع وقت مع ناس تافهة. بيشوف اللى بعدك علطول علشان العمر بيجري ولان ناس كتير سنها بدء يعدى ال 30 فا محدش فاضى يتعب نفسة مع حد .. فاهمنى طبعا الجدية و النضوج .. مهمين اووى فى اننا نكمل تواصل و الموضوع يبان له ملامح و ناخد خطوات حلوة بعد كده لو حابب تقرأ الحلقه اللى بعد كده من هنا أزمة ارتباط.. الحلقة الثالثة - (الفرصة) cpd التعديل الأخير تم بواسطة Rena Jesus ; 25 - 09 - 2016 الساعة 09:59 AM 
|
|
25 - 09 - 2016, 10:07 AM
|
رقم المشاركة : ( 2 ) | ||||
|
† Admin Woman †
|
رد: أزمة ارتباط - الحلقة الثانية ( النضوج )
مشاركة جميلة جدا ربنا يبارك حياتك |
||||
|
|
|
25 - 09 - 2016, 04:45 PM
|
رقم المشاركة : ( 3 ) | ||||
|
..::| مشرفة |::..
|
رد: أزمة ارتباط - الحلقة الثانية ( النضوج )
ربنا يبارك خدمتك الجميلة والمثمرة
|
||||
|
|
|
25 - 09 - 2016, 06:19 PM
|
رقم المشاركة : ( 4 ) | ||||
|
..::| الاشراف العام |::..
|
رد: أزمة ارتباط - الحلقة الثانية ( النضوج )
ميرسى لمروركم الغالى  |
||||
|
|
|
25 - 09 - 2016, 09:10 PM
|
رقم المشاركة : ( 6 ) | ||||
|
..::| الإدارة العامة |::..
|
رد: أزمة ارتباط - الحلقة الثانية ( النضوج )
ميرسي على مشاركتك الجميلة
|
||||
|
|
|
26 - 09 - 2016, 09:14 AM
|
رقم المشاركة : ( 7 ) | ||||
|
..::| الاشراف العام |::..
|
رد: أزمة ارتباط - الحلقة الثانية ( النضوج )
ميرسى لمروركم الغالى
|
||||
|
|
 |
| أدوات الموضوع | |
| انواع عرض الموضوع | |
|
العرض المتطور