|
 |
 |
 |
|
|
|
رقم المشاركة : ( 1 )
21 - 06 - 2015, 02:17 PM
|
|||||||||||
|
|||||||||||
|
تاملات فى سفر نحميا الاصحاح الاول من الايه 1 لـــ 5  الايه الاولى بيقول نحميا ( بينما كنت في شوشن القصر ) معنى كده ان نحميا كان قاعد فى قصر ومرتاح ومش ناقصه حاجه ــــــــــــــــــــــــ فى الجزء الاول من الايه التانيه بيقول نحميا أنه جاء حناني، واحد من إخوتي، هو ورجال من يهوذا هنا الكتاب المقدس عايز يوضحلنا ان معنى كلمة كلمة اخويا او ختى مش بس مقتصره على اخواتى اللى فى البيت لكن معناها ان اى حد مسيحي هو اخويا والمفروض اننا كلنا نسال عن بعض اما الجزء التانى من الايه بيقول نحميا فسألتهم عن اليهود الذين نجوا ، الذين بقوا من السبي، وعن أورشليم الكتاب المقدس بيوضحلنا اننا المفروض نسال عن بعض واللى نجوا من السبي ممكن يرمزوا لينا احنا المسيحيين اللى ربنا نجانا من سبى الخطيه والشيطان وحررنا بموته على الصليب واورشليم بترمز للنفس البشريه يعني المفروض نسال علي بعض ونسعي لخلاص نفوسنا كلنا مش بس اهتمامى يكون بنفسي ــــــــــــــــــــــــــــــــــــــ الايه التالته بتقول فقالوا لي: إن الباقين الذين بقوا من السبي هناك في البلاد، هم في شر عظيم وعار . وسور أورشليم منهدم، وأبوابها محروقة بالنار وللاسف الشديد ده حالنا دلوقتى فعلا بعد ما ربنا نجانا وحررنا من عبوديه الخطيه بدل ما نعيش كاحرار لا عايشين فى شر عظيم يعني منغمسين تماما فى الخطيه لا ومش بس كده ده احنا كمان جايبيين العار لربنا وسور اورشليم منهدم وابوابها محروق يعني نفسي دي منهدمه روحيا ملهاش اى علاقه بربنا ومفيش سور يعني مفيش حاجز بينى وبين الخطيه ولا اى مقاومه لاى شهوه او خطيه بيعرضها عليا عدو الخير ــــــــــــــــــــــــــــــــــــ الايه الرابعه بتقول فلما سمعت هذا الكلام جلست وبكيت ونحت أياما، وصمت وصليت أمام إله السماء ده بقي المفروض ان اى حد خاطى يعمله بعد اى خطيه نقعد ونحاسب نفسنا ونسكب دموعنا ونصلى لربنا انه يغفر لينا ويسامحنا لاننا دوسنا على مشاعره و فضلنا الخطيه عنه ونصوم عن الخطيه يعني منكررهاش ـــــــــــــــــــــــــــــ الايه الخامسه بتقول وقلت: أيها الرب إله السماء، الإله العظيم المخوف، الحافظ العهد والرحمة لمحبيه وحافظي وصاياه الكتاب بيقولنا ان ربنا بيحفظ العهد والرحمه للى بيحبوه وبيحفظوا وصاياه يعني مش اعمل كل اللى انا عايزه من خطايا وشهوات واقول اصل ربنا رحيم لا ربنا اه رحيم لكن كمان مخوف وبيحفظ عهوده للى بينفذوا وصاياه واللى فعلا بيحبوه وخطاياهم بتكون وقوع عن ضعف مش قصد اذكروني فى صلواتكم mrmr bent elbaba التعديل الأخير تم بواسطة بنتك يايسوع ; 21 - 06 - 2015 الساعة 02:29 PM 
|
 |
| أدوات الموضوع | |
| انواع عرض الموضوع | |
|
رد: تاملات فى سفر نحميا الاصحاح الاول من الايه 1 لـــ 5
العرض المتطور