هي دي.. ولا مش هي لالا
هو واضح انك تعرفيني " بس انا مش فكراكي
كتير بنشوف ناس من ابتسامتهم او ترحباهم بينا نعرف انهم اكيد يعرفونا بس منفتكرش هما مين
او تعدي عليك لحظة صعبه وبيبقي نفسك تفتكر اي موقف عدي عليك او مريت بيه يفرحك عشان تلهي نفسك عن اللحظة ال انت فيها وساعتها ذاكرتك تكون مهنجة ومش مجمعه
عارف لما تفضل تعصر في مخك عشان تفتكر الكلمة دي أتقالت أمتي قبل كدة
أو مين ال قالها
!!!!! وعلي النقيض لما يبقي في حاجات تستغرب انك ازاي و ليه لسه فاكرها
...
بتبقي لازم تنساها ومش بتتنسي
وممكن كمان مواقف وناس بنتفنن عشان ننساها او حتي نعمل نفسنا نسيناهم
ومبنعرفش
ولو في إمكانك تجيب كل ال ضايقك, جرحك ,تعبك اوحتي أحرجك وتمسحه بأستيكة من ذاكرتك هتعمل كدة
وفي حاجات بتبقي هتتجن عشان تفضل فاكرها وفاكر تفاصيلها ... بس بتلاقي انك مش فااكرها
ال قال الزمن بينسي مش هقدر أقول مش صحيح بس هقول مش كل حاجه ينفع تتنسي او المبدأ دي هقدر أستخدمة مع مواقف كتير بتحصل ولا كل حاجة عاوزين نفتكرها بنعرف
اي مشكلة ,اي موقف محرج , موقف جرحك وحتي المواقف المفرحة ممكن تطلع تطلع وتنزل علي مفيش بس ال هيفضل هو أثرها .....حتي لو نزلت علي مفيش بس انت ممكن تقدر تلجم وتتحكم في أثرها جواااك علي الأقل حاول.... عارف أنت ممكن كمان تلم كل ال مضايقك "تعبك, جرحك أوجعك ... اي حاجة مرميه هنا او هنا و سببت لك مشاعر سلبيه لم كل دي وحطه في صندوق وكل فترة خد الصندوق دي ووديه لل هيقدر ينضف الصندوق
هو أحن حد ممكن ترتاح عنده وهو هياخد صندوقك وهيتصرف فيه
النسيان صحيح نعمة بس لما يكون في مكانة
