ربنا بيحميك من الشر ومن الخير اللي وراه شر ( يعقوب )

[walaa farouk]

بيقولو: يا بخت من كان المدير خاله..
لكن القاعدة دي اتعكست تمامًا مع يعقوب
وهو شغال عند خاله لابان، لما لجأ إليه
وهو هربان من أخوه عيسو.
العجيب إن لابان مدير يعقوب استقبله بالأحضان
وقاله: انت لحمي ودمي، وبعد كده بدأ سلسلة
من الخداع معاه، فغيَّر دخله وأجره 10 مرات في 20 سنة
طبعا مش بالزيادة لكن بالنقص.. مش بس كده
لكن مكانش يعقوب بياخد أي مكافآت لأمانته واجتهاده
بالعكس كان بيتخصم منه الخسائر من الغنم
اللي بيرعاها حتى في الظروف الجوية الصعبة.
بس المشجع إن وقت هروب يعقوب بعيلته وأولاده
ساعتها ربنا ظهر للابان وقاله:
"احْتَرِزْ مِنْ أَنْ تُكَلِّمَ يَعْقُوبَ بِخَيْرٍ أَوْ شَرّ " (تكوين31: 24).
ربنا عالي فوق أي مُدير صعب وشرير..
وكاشف وشايف كل شيء..
ووقت اللزوم مش بس بيحمينا من شره..
لكن كمان من الشر اللي باينلنا انه خير!