|
 |
 |
 |
|
رقم المشاركة : ( 1 )
06 - 10 - 2023, 05:43 AM
|
|||||||||||
|
|||||||||||
 أحلي وأجمل حاجة في العلاقة مع ربنا أنه بيحب كل شخص فينا زي ما هو. و معندوش انه بيحب حد أكثر من حد، أو بيفضل حد على حد، أو لازم الشخص يكون كويس وصح وشخصيته لذيذة وعنده كاريزما علشان ربنا يحبه .. لا خالص حب ربنا مختلف عن العالم والناس.. ومختلف عن التقيمات والنظرات اللي بيستخدمها الإنسان مع اخوه الأنسان. النظرة إللي بتحمل وراها كم من المعايير ومدي التوافق النفسي والتلاقي وبتكون غالباً من خلال الذات المزيفة اللي بتحتمي وراء دفاعاتها الكثيرة؛ علشان تحمي نفسها من الأخرين. أما حب ربنا لكل نفس بشرية هو حب غير مشروط. بيحبها كده زى ما هي. بكل ما فيها من عيوب ونقائص ومميزات، ومن غير ما تعمل حاجة علشان نتحب أو تكون شخصية جذابة. حب ربنا بيغلفنا وبيغمر قلوبنا وبيحتوي نفوسنا، و وبنشعر معاه أننا مقبولين ومحبوبين دايماً. علشان كده لو بتدور على حب حقيقي. الحب اللي يغمر ويشبع ويروى.. مش هتلاقيه غير عند ربنا. صحيح أكيد الحب اللي بيقدموه الناس مهم، وطبعاً كل نفس بشرية محتاجة تحب وتتحب من اقرب الناس ومن الأصدقاء والاقرباء، وتكون مقبولة وسط المجتمع، وبقدر الأمكان طبعاً. لانه مفيش حد كل الناس بتحبه، ولا كل الناس بتكرهه. لكن التوقع العالي متعب ولا أن الناس هتحبك طالما معملتش موقف سئ، ولا اتصرفت تصرف تعبهم أو أساء ليهم؛ توقعك العالي دا هيتعبك مش هيفيدك وهيفقدك سلامك. وغالباً هيهز ثقتك بنفسك ويألمك . علشان كده الأفضل نزل توقعاتك من البشر. اللي بيحب النفس البشرية زى ماهي كده هو ربنا. بلاش تتوقع كده من الناس قوي. كلنا بشر محدودين.وقدراتنا وعطاءنا محدود واستقبالنا كمان مرتبط بخبراتنا وخلفياتنا. 
|
 |
|
| قد تكون مهتم بالمواضيع التالية ايضاً |
| الموضوع |
| اللى بيحب ربنا |
| الانسان اللى بيحب ربنا قوى |
| اللى بيحب ربنا |
| اللي بيحب ربنا |
| صاحب اللي بيحب ربنا |
العرض العادي
