26 - 09 - 2023, 09:44 PM
|
|
|
|
..::| الإدارة العامة |::..
|
|
|
|
|
|
التلوث مش بس بيحصل من النفايات الضارة
اللي بتملأ الجو وتمنع التنفس وتشوه الطبيعة..
لكن ساعات كتير بيكون المناخ اللي حوالينا
ملوث بالإحباط، أخبار وحوادث مُحبطة،
أشخاص وعلاقات مُحبطة، أوضاع اقتصادية
واجتماعية مُحبطة، ضعف روحي وكنسي مُحبط 💔
مش هاينفع نعزل نفسنا عن المناخ المُحبط ده..
وهايكون مجهود ووقت ضايع لو حاولنا تغييره،
لكن نقدر نخلي الإحباط اللي برانا
مايسدش مسام الحياة فينا.. لما نسمح لتشجيعات ربنا
تخترق دواخلنا، ولما نسمع صوته
وسط التشويش الضخم اللي حوالينا.
وده اللي عمله داود، فبعدما اشتكى من ظُلم الناس
وتكبر فاعلي الشر، وكان بيطلب انتقام الرب منهم..
وشعر إنه بيدور في حلقة مفرغة،
لكنه في نفس المزمور لقي الحل..
إنه يفصل التعزية والتشجيع اللي جواه عن الإحباط
والهموم اللي براه.. فقال:
"عِنْدَ كَثْرَةِ هُمُومِي، فِي دَاخِلِي تَعْزِيَاتُكَ تُلَذِّذُ نَفْسِي"
(مزمور94: 19) 😍
|
