|
 |
 |
 |
|
رقم المشاركة : ( 1 )
04 - 08 - 2023, 07:55 PM
|
|||||||||||
|
|||||||||||
 لما ببُص لسنين حياتي وخبرتي، اللي مش كتير .. بشوف أد إيه الله كان بارع في تحويل كل شيء لخيري .. بالذات الناس الصعبة اللي اتعاملت معاها، ومكنتش مرتاح! مش بقول اني مليش دور في ده، لأني أكيد ليّ دور .. بس قصدي اشاور أكتر على الحاجات .. اللي مكنتش هقدر اعملها من غير الله! -- كل عشوائيّة كنت بعاني من ناس حواليّ بسببها .. بالذات لو كانوا مديرين أو قادة في الخدمة .. الله استخدمها عشان يعلّمني اعمل حساب كل حاجة .. فابقى قادر انظّم أموري بدرجة كبيرة .. واقلّل اللخبطة اللي بتحصل بسبب عشوائيّة الناس! -- كل فساد وظلم كنت بعاني من ناس في شغلي بسببه .. الله استخدمه عشان يزوّد اتّكالي عليه قُدّام سلطانهم .. وفي نفس الوقت عشان اختبر أمانتي .. واشوف اذا كنت فعلًا هكمّل صح رغم التحدّيات ولا لأ! -- كل شخص استأمنته واستغل ثقتي فيه ضدّي .. الله استخدم ده عشان يساعدني اكون أمين للناس .. فاقدر اسمع واقدّر واشارك الشخص صراعاته .. من غير ما يكون قلقان اني اهدّده بيها، أو اقلّل منه بسببها! -- كل شخص وعدني بوعد وسوَّحني، سواء في شغل أو خدمة .. الله استخدم ده عشان يساعدني اكون أمين في كلامي .. فاللي اقدر اعمله والتزم بيه، بقوله حتى لو محدّش طلبُه .. واللي مقدرش التزم بيه ولا في إمكانيّاتي اعمله، مش بقوله .. مهما كام الإلحاح في الطلب من اللي حواليّ! -- الحاجات دي لما ببُصّ عليها واشوف الرحلة .. سواء اللي الله مشيها معايا، أو اللي مشّاني معاه فيها .. رغم كل الوجع والصراع والشكوك والسّقطات اللي فيها .. بشوف ان الطبيعي، لو من غير الله .. لو اتأذيت، هأذي. ولو اتهدّدت هقع أو ههدِّد .. لو اتخانت، هخون. ولو اتوعَدت ومحصلش، هوعِد وهخلِف .. ويمكن فعلًا يكون الطبيعي ان فاقد الشيء، صعب يدّيه .. بس اللي بشوفه ان فاقد الشيء من الناس .. لما بيجرّب تسديده بطريقة صح من الله، وشبعه بيه من الله .. بيقدر يقدّمه لغيره، ويُشبِع بيه غيره، بالرصيد اللي أخدُه من الله! -- ويفضل الله في خبرتي الشخصيّة، فنّان بارع بيشكّل في أصعب الظروف .. ويفضل مهما كانت الظروف، يستحق الثّقة .. ويفضل قادر يخرَّج من أصعب الظروف، بركات .. ويخرّجني من أصعب الظروف، إنسان قادر يحب الله رغم الوجع .. وقادر يحترم نفسه وتجربته، مهما كانت صعبة! 
|
 |
|
| قد تكون مهتم بالمواضيع التالية ايضاً |
| الموضوع |
| يخرّج من أصعب الظروف، إنسان قادر يحب الله |
| تصميم| يسوع فنّان بارع بيشكّل في أصعب الظروف |
| بيشكّل في أصعب الظروف |
| ويفضل رغم الظروف يستحق الثقة🙏🤍 |
| حتى فى أصعب الظروف ... |
العرض العادي
