من أقوال مار شربل الروحانية المعبرة

[souad jaalouk]

من أقوال مار شربل الروحانية المعبرة

دايما الله بيبكّيك تا يأدّبك، بيجي الشيطان تا يضحّكك
و يبعّدك عنّو، و لمّا الله بيضحّكك، بيجي الشيطان تا يبكّيك، ما تخلّيه يخدعك.

الشيطان بيكره صورة الله، و بيكره الإنسان اللي عم ياخد صورة الله،
و بدّو يشوّه هالصورة اللي فيه.
الطريقة الوحيدة تا يشوّه إبليس صورة الله بالإنسان،
هي إنّو يوقّف عمل روح الله
، اللي فيه ساعتها الصورة الوحيدة،
اللي بتبقى بهالإنسان هي صورة الحيوان.
رغبة الشيطان إنّو يعطي للإنسان صورة الحيوان.

السلاح الأساسي الأوّل ضدّ الشيطان هو الصدق.
كلّ كلمة صدق بتقولها هي سهم بترميه بقلب الشرّير.
و كلّ إعتراف صادق بالخطيّة، هو رمح بتخرق فيه قلبو،
و السلاح الأساسي الثاني هو التواضع.
الصدق و التواضع يعني الإعتراف.
إعترف بخطاياك بتقتل الشرّ اللي فيك كلّ همّ الشيطان
إنّو يلهيك عن الله.

إنتبه بيحاول يلهيك عن الله حتّى بأمور الله:
بيلهيك عن معنى الكلمة اللي عم تصلّيها بالكلمة ذاتها.
بيلهيك عن تسبيح الربّ بلحن النشيد اللي بتسبحو فيه.
بيلهيك عن الله بالصلا يللي عم بتصلّيلو ياها.

تذكّر منيح إنّو ما فيك توقف بوجه الشيطان،
إذا ما فيك تركع قدّام الله، الشيطان ما بيجي من الشبابيك.
و الطوق اللي سهران عليها و مسكّرها منيح.
الشيطان بيجي من الباب اللي فاتحو تا تستقبل منّو.

[walaa farouk]

بركة صلوات القديس تفرح قلبك

[Mary Naeem]

شكرا على القول
ربنا يفرح قلبك