01 - 07 - 2023, 02:47 AM
|
|
|
|
..::| الإدارة العامة |::..
|
|
|
|
|
|
عارف أنك عديتي برحلة مش سهلة،
ولا كانت مريحة 😔
عارف أنه كانت هناك سنين عجاف..
أكلت كل الجمال اللي جواكي
عارف أنه حتى لما بعتِّك تتعالجي عند كتير
من الدكاترة منفعوكيش بحاجة..
وشخصوا أمراضك غلط 🤧
عارف أنك إتعاملتي مع ناس كويسة وناس وحشة
عارف أنه جواكي خبرات غريبة
مش بافهم ردود أفعالك، في أوقات كتير
أنتِ مش غامضة.. ولا تايهة
أنا عارف أنك شايفة الطريق
عارف أنك عارفة الحقيقة
أنتِ مش مريضة.. ولا غبية
بس بستغربك 🤔
أنه في نفس الموقف بيبقى ليكي أكتر من رد فعل
أوقات تبقي بريئة.. أوقات تبقي متهمة
أوقات تبقي خايفة.. أوقات تانية جريئة
أوقات تقلبي التربيزة.. أوقات تمشي هادية
أوقات تبقي عصبية.. أوقات تبقي باردة
أنا اكتشفت أني أكتر واحد مش فاهمك..
بالرغم أني دايما شايف أني عارفك
علشان كده بادعيلك.. كل يوم الفجر
سواء حاسة بالأمان.. أو بالحيرة
سواء بتخليني أعرف أنام، أو سارقة من عينيا النوم
يا رب 🤲🏻 أكتشفت أنه مفيش إنسان ليه سلطان على نفسه
مش بس في الموت.. لكن حتى في الحياة 🤦🏻
أكتشفت أن ترويض هذا الوحش الضعيف صعب
فقد تعلمت ألا أخاف، إلا من الضعيف
عندما يُظلم.. أو يمتلك سلطة
لذلك .. احفظها من الظلم الذي يجعلها وحش
ومن امتلاك السلطة، التي تأمر بها
بقتل كل ما هو جميل
رد نفسي تبقى شبه الأصل
شبه الصورة مش الضعيفة.. اللي خايفة
ولا الوحش اللي مش عارف يتروض
علمني إمتى أمنع الطبطبة، وابتدي أعنفها
وإمتى أطبطب.. وروحي وقت كسرها تشيلها
علِّم روحي إزاي تسيطر، ووقت خروج الوحش تنكرها
ووقت خروج المسكين.. تفوقها
وعلمني إزاي أتعامل معها..
فلا تبقى حاجز بيني وبينك..
لتكن كشاف يمرر نورك إلى الأعماق
|
