|
 |
 |
 |
|
رقم المشاركة : ( 1 )
14 - 06 - 2023, 08:20 AM
|
|||||||||||
|
|||||||||||
 فى وقت غصب عنى بافقد الأمل فى نفسي ...😒 لما أفضل أعافر علشان أتغير فى حاجات وألاقينى باقع نفس الوقعة، كفاية باضحك على نفسي أنا عمرى ما هاعرف أبطل الخطية دي.. . عمر ما الشيطان هيبطل يمتحنى الامتحان اللى باسقط فيه كل مرة .. 😕 فى وقت باقول أنا مفيش فيّ أمل . . أنا أصلا ماستاهلش أخدم أو حتى أتكلم عن ربنا.. وبما إن أحيانًا بيبقى فى حقايق من كتر ما سمعناها بنفقد معناها كتير بننسى حقيقة إن الله كدة كدة بيحبنا .. . كدة كدة قابلنا ... كدة كدة ساترنا ... كدة كدة عايزنا ... يمكن علشان فى حياتنا اتعودنا لما نغلط نتعاقب . .. لما نغلط نترفد... لما نغلط نتساب . .. لما نغلط مانستحقش فرصة تانية ...🥺 بنفتكر إن ربنا كمان بيتعامل معانا كدة .. . لكن الحقيقة إن مهما افتكرنا حالتنا القديمة، وحتى لو نسينا زمن الحب واتخلبطنا من كتر العك والمعافرة بيقولنا "فَمَرَرْتُ بِكِ وَرَأَيْتُكِ، وَإِذَا زَمَنُكِ زَمَنُ الْحُبِّ. فَبَسَطْتُ ذَيْلِي عَلَيْكِ وَسَتَرْتُ عَوْرَتَكِ، وَحَلَفْتُ لَكِ، وَدَخَلْتُ مَعَكِ فِي عَهْدٍ، يَقُولُ السَّيِّدُ الرَّبُّ، فَصِرْتِ لِي." (حز 16: 8). ده نوع مختلف من الحب ... الحب اللى يخلي شخص يموت علشانى ... الحب اللى بيخلينى لما أغلط ماخافش أتعاير لكن أجرى عليه علشان متاكد إنه هيسامحني ويسترني اوعى تصدق كذبة "إن مفيش منك أمل " افتكر إن الله حَبك وبيحبك وهيحبك فى أسوأ حالاتك ولسة شايف إنك تستحق يموت علشانك ويغفر خطيتك.. 🙏 اسمعه لأنه قالك إنه زمنك زمن الحب💜 
|
 |
|
| قد تكون مهتم بالمواضيع التالية ايضاً |
| الموضوع |
| لأنه لن يفعل بنا شراً لأنه قدوس💜 |
| أمشي ورا الراعي لأنه أشطر راعي💜 |
| اعطني ان ابصر شمس الحب المشرق 💜 |
| زمنك زمن الحب |
| ...إن الناس مرضى ليس فقط لأنه لم يقبلوا الحب بل أيضاً لأنهم غير قادرين على منح الحب |
العرض العادي
