قطاعين الأرزاق

[walaa farouk]

من روائع الكلمات "ربنا ما يجعلنا من قطاعين الارزاق" ..

اوعى تقف قدام رزق حد ، و لا حتى فى فكرك تتمنى لحد عدم النجاح ..

الرزق ده مشروع إلهى بيطعم الناس و يستر البيوت
و يعالج المريض و يجبر بخاطر المسكين : اوعى تقف ضده !!

حتى اللي رزقه واسع و انت "شايفه لا يستحق " ،
ده ربنا بيستخدم رزقه الكبير علشان يفتح بيوت كتير..

اوعى تعطل رزق حد و لا تتمنى زوال النعمة من حد :
لانك ح تكتشف أن كل ما تحاربه رزقه ح يزيد ،
و اذا كملت تقف فى وشه ، رزقك انت إللى ح يقل ،
و اللى ح ينقص منك ح يروح له هو !!

و العكس صحيح: كل ما تتمنى الرزق للناس
ربنا يكتره عليك و عليهم!!

و ربنا ما يجعلنا من قطاعى الارزاق!!