كسرة نفس

[walaa farouk]

كسرة نفس ..




فيه ناس متخصصة فى كسر القلب و جرح النفس ..

لا تعرف تتكلم و لا تراضى و لا تعبر و لا تطبطب
و لا تصالح و لا تشكر و لا تفرًح ..

نفس الناس دى ما تعرفش تحترم المشاعر و لا ترطب الخواطر..

و اكبر كسرة أن حد يشوفك زعلان و يسيبك تتلوي فى زعلك
و لا كأن فيه حاجة : و لا يسأل و لا حتي يفكر يقولك مالك ،
و لا كلمة سؤال أو ترطيب خاطر حتى "من باب المجاملة " .
. كل ده رغم العشرة و الود و العشم ..
و اللي يوجع قوي لما ده ييجى من اعز الناس ..

و فيه ناس اول يا دوب ما تحس انك "ناوي تزعل" ،
تجري عليك و ما تسيبش و لا لحظة عكارة ،
و لا لحظة وجع في قلبك ..

و اللي أكبرمنها كسرة كسرة "عدم الامتنان"
: انك تقدم أغلي ما تقدر عليه ، و تقابلك بعدم الرضي
و عدم الشكر و عدم العرفان بالجميل ..
بالضبط زي ما تجيب لواحد هدية كانت اغلي ما قدرت عليه
، تطلع له فيها كل العيوب و تقلل منها و بالتالي تقلل من صاحبها ..

و فيه ناس لو قدمت لها كوب ماء تاخده و تقولك عليه "شهد مكرر" و تحسسك انك جبت لها الدنيا و ما فيها ..

اوعي تكسر نفس حد ، لأن مرات كتير إللى اتكسر ما بيتصلحش

[مورا مرمر]

اوعي تكسر نفس حد ، لأن مرات كتير إللى اتكسر ما بيتصلحش

فعلا مشاعر اى انسان غالية جدا ..وكسرها بيكسر الواحد
ربنا يشفى جروحنا ويداويها علشان احنا كمان منجرحش اللى حوالينا