| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
07 - 04 - 2023, 07:18 AM
|
||||
|
||||
  علي فكرة المسيح مكنش بيفتقد السامرية بس ..لا دا موضوع كبير . كوباية شاي ومخمخ معايا ❤ بص تحت عالصور وتعالي 👇 في الصورة اللي من فوق هتلاقي المسار اللي اخذه المسيح من اورشليم (اليهودية) الي الجليل , وكان ممكن يروح من اي طريق تاني بس الكتاب المقدس يقولك "وَكَانَ لاَ بُدَّ لَهُ أَنْ يَجْتَازَ السَّامِرَةَ.يو٤:٤" طيب ليه واشمعني وقف عند سوخار اللي في السامرة ومشي من الطريق دا ؟ صحصح معايا وبص تحت عالصورة الثانية 👇 ومتركزش مع الخط 😂وتعالي..... معلش حساب المشوار عندي 😂 .. .لما تقابلني قولي عاوز حساب المشوار وهجبلك حاجة حلوة 🎁🎁 واحدة واحدة كدا واقرأ .. ."فَأَتَى إِلَى مَدِينَةٍ مِنَ السَّامِرَةِ يُقَالُ لَهَا سُوخَارُ"يو٤. البلد اللي اسمها سوخار دي موجودة عند سفح جبل اسمه جرزيم הר גריזים ومقابل ليه الناحية الثانية جبل تاني اسمه عيبال הר עיבל والوادي ما بينهم ضيق (زي ما باين في الصورة الجغرافية اللي بتوضح الجبلين 👇 اللي تحت دي 😎  ....لا انا في الجغرافية مقولكش ...بطيخة خالص فاستحملني.❤ اسمحلي نعمل فلاش باك لزماااااان .. . لما الإسرائيليين دخلوا المنطقة دي علشان ياخدوا ارض الميعاد، جه يشوع ووقف نصف الأسباط على جبل جرزيم لينطقوا بالبركات ووقف النصف الآخر إلى جبل عيبال لينطقوا باللعنات (تثنية 11) وفي سفر اخبار الايام الاولي اصحاح ١ اتقال علي المنطقة دي كلها اسم عيبال. وارتبطت كلمة عيبال باللعنات👿 ومع الزمن والاحداث الكثير في المنطقة دي اصبح كل المنطقة سكانها من السامريين المكروهين والنجسين عند اليهود . وعاوز اقولك ان سوخار معناها (سكير ) . وكأن المسيح بيقول ان المنطقة دي وسكانها والست السامرية اللي انتوا شايفينهم وحشين ،و الشيطان كان ضاحك عليهم ومستولي علي تفكيرهم ومخليهم سكرانين بعيد عني ، انا بنفسي هروح افتقدهم "ولابد ان اجتاز في السامرة". المسيح جاء ليكسر اللعنة ويدوس الموت ويكسر شوكته ويصلح الطبيعة التي فسدت وسكرت من الخطية. ++++ مهما كنت انت وحش وعملك سئ ومكروه من الدنيا . ..هو دلوقتي عند قلبك بيقولك عندي الحياة الابدية ....هتيجي ؟ .... انا هفضل طول الوقت مستنيك ❤ "جَاءَ لِكَيْ يُخَلِّصَ مَا قَدْ هَلَكَ."متي١٨ "الَّذِي يُرِيدُ أَنَّ جَمِيعَ النَّاسِ يَخْلُصُونَ، وَإِلَى مَعْرِفَةِ الْحَقِّ يُقْبِلُونَ.١تيمو٢ ثق_قم_هوذا_يناديك #دائما_فيه_فرصة #جاء_ليخلص 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| دائما فيه فرصة للتوبة | الانبا موسى الاسود | walaa farouk | سيرة القديسين والشهداء | 0 | 17 - 07 - 2024 08:34 PM |
| الصداقة هي دائما تحمل مسؤولية حلوة، وليست مجرد فرصة | Mary Naeem | موسوعة توبيكات مميزة | 0 | 21 - 07 - 2015 05:15 PM |
| فرصة للفوز بجهاز IPad من برنامج فرصة عبر الانترنت . | shery adel | ركن أرشيف المواضيع | 0 | 16 - 07 - 2013 12:31 PM |
| فرصة للفوز بجهاز IPad من برنامج فرصة عبر الانترنت | shery adel | ركن أرشيف المواضيع | 0 | 15 - 07 - 2013 07:32 PM |
| فرصة للفوز بجهاز IPad من برنامج فرصة عبر الانترنت | shery adel | ركن أرشيف المواضيع | 0 | 15 - 07 - 2013 04:39 PM |
العرض العادي
