زوادة اليوم :السّفر 20233/19

[walaa farouk]

زوادة اليوم:
السّفر




الله معكن...

بيخبّروا عن شاب تعب من السّفر من بلد لبلد
والهرب من القال والقيل وأحاديث النّاس يلّي ما بتخلص،
إنتهى فيه المطاف على باب منسكة منهك القوى عطشان،
جوعان، تعبان، بيحملو النّاسك وبيعتني فيه،
وبس يوعا بيسألو هوّي مين؟ من وين جايي، وليش وصل على المنسكة بهالحالة؟

خبّرو إنّو إلو سنين تايه على وجّ الأرض هربان من حكي النّاس
وأحكامهن، بيقلّو النّاسك :

شو بدّك بكلام النّاس لازم تروح محلّ ما بيرتاح قلبك
، محل يلّي بتحسّ بالأمان، ما تمشي بطريق ما بتعجبك
بس مشيت فيها لأنّو النّاس حطّوك عليها، لازم تمشي
بالطّريق يلّي بتعجبك حتّى لو كنت عم تمشي هالطّريق وحدك.

الزّوّادة بتقلّي وبتقلّك :

إذا حسّيت إنّك غرقان بكلام النّاس ومضيّع الطّريق
ما لازم تنسى إنّو الرّب هوّي طريق النّور يلّي بتمشّينا بالحقّ
وبتوصّلنا للحياة الأبديّة، والله معكن

[Mary Naeem]

شكرا على الزوادة

ربنا يفرح قلبك