|
 |
 |
 |
|
رقم المشاركة : ( 1 )
04 - 03 - 2023, 10:51 AM
|
|||||||||||
|
|||||||||||
 بيبقى إعتراف خطير أوي قدام نفسى لما بلوم نفسى وهي مش عارفه تسمع صوتك من الزحمه اللي حواليها .. صعب .. بعد ما أعرفه و أحسّه و ألمس حضوره في حياتي .. صعب أبقي عندى لا مبالاه و مش حاسس بحاجة ناحيته .. و أسكت! و أنا بعيد ماكنتش دُقت قُربه .. ماكنتش شُفت وجوده بيفرق معايا إزاى .. مكنتش أعرف إن كل حاجة بتعدى و إن فيه سكة مفتوحة و فيه بعد الحتة الضلمة .. فيه نور .. فيه بدايه جديدة بيقدر يخلقها .. ماكنتش أعرفه بجد .. فمكانتش مرارة البُعد تتعب كدة طول الوقت .. و كإن .. كإن كدة كنت لامس حضور الله و فجأة مش حاسس .. كإنك كنت شايفُه و معرفتش تشوفه تاني .. و عمال بتحاول عشان تشوفه و مش عارف .. كإن كدة كان فيه علاقة ما بينكوا و إنطفت! .. و بتفضل مرارة اللى حاصل ده تحسها فـ صحياني و فـ شُغلى و فـ أكلى و شُربى و فـ ضحكى و فـ ألمى و فـ فرحى و فـ جرحى .. و فـ صلاتى! عمّال بلحّ عليه .. اللي فات كله .. هو شايفُه كويس أوي .. دا غير إنه بيقدّر كل شعور جوايا بحسُّه و بيطلعلى أعذار حتى قدام نفسي .. و يقينى كمان إنه أحن عليا من نفسى! هفضلّ ألحّ عليه و أطلب منه اللمسه دى تانى .. و لو هُدب ثوبه ! و مش هبطل أكلّمه لأن واثق إن .. "ما أفسدته الأيام .. تُصلِحه الصلاه يوماً .. " 🙂 الهي ❤️🙏 
|
 |
|
العرض العادي
