الصلاة مع أطفالك

[Mary Naeem]

الصلاة مع أطفالك



الصلاة مع بعض هذي من أهم الأشياء الي ممكن تسويها مع أطفالك لازم تعودهم على الصلاة في كل وقت إذا ياكلوا يصلوا ويشكروا الله، لازم الطفل يعرف ان الله معه في كل وقت وانه هو الي أنعم عليه بكل هذي النعم والأكل أولها. إذا طفلك يخاف كثير عوديه يرجع إلى الرب يصلي للرب من أجل حمايته ومن أجل تخفيف الخوف منه، في كل مره يصلي راح يفهم انه الرب هو ملجأه الوحيد الرب وهو الي معه ويسمعه ويحبه. دايم قولي لطفلك عن الرب وعن كيف انه يسمعه وانه يحبه ودايماً موجود من أجله خلي علاقة طفلك بالله علاقة حب وليس خوف. يحبه، عشان كذا يدعيه. يحبه، عشان كذا يسوي الأشياء الصح. والرب يحبه، عشان كذا هو معه ودايم يسمع له لأنه مره يحبه وهو مهم عنده. صلوا لبعض كل يوم بعد ما يرجع هو من مدرسته وانت من دوامك تكلموا عن يومكم وإذا فيه شيء سيء صار او مشكلة صلوا مع بعض عشان الرب يتدخل ويحلها وإذا كان يوم جميل صلوا واشكروا الله عليه. الصلاة مع أطفالك مهمة وراح يعتمدوا على الرب إذا من عمر صغير عرفوا انه هو الوحيد الي يقدروا يرجعوا له ويسمع لهم بكل حب ويكون معهم.

الأم والأب هم المثل الأعلى لأطفالهم، إذا شافوا أهلهم يصلوا للرب وبكل وقت في الحزن والفرح وفي كل الأوقات الطفل راح يتربى على هذا الشيء ويكبر وتكبر علاقته مع الرب، عشان كذا الصلاة قدام الطفل أو معه مهمة جداً لعلاقة طفلك مع الرب وإيمانه وثقته فيه.