علي كلمته القي الشبكة

[walaa farouk]

ساعات تتعب الليل كلّه زي بطرس وإنت بدوّر على سمك
، وتطلع زي ما قال كده: "لم نمسك شيئًا."
ده مش تقصير من بطرس...
لا هو سهر وتعب، بس الواقع العنيد مرضاش يردّله تعبه.
وإحنا كتير بنتعب ونبذل مجهود طول الليل
وليالي كتير وفي الآخر "لا نمسك شيئاً."
وقتها ييجي يسوع ببساطة ويقولك: طب ارمي شبكة واحدة
حتى، وشوف إيه هايحصل.

ياه يا ربّ هو أنا فيّ حيل ولا طاقة اصطاد تاني،
ولا حتى نفسيًا أنا قادر أستحمل إحباط تاني؟
بس فعلاً وقتها لو صدّقت ورميت الشبكة على كلمته،
توقّع إنه حصاد الوقت الأخير ده هايكون أضعاف تعبك اللي فات كله،
وكأن الله بيصالح روحك اللي تعبت واستُنزِفت عالفاضي.

فلو إنتَ مكان بطرس، وخلاص تعبت والله جه يشجّعك
، أنصحك تسمع له وترمي شباكك تاني.
لأن السمك سمع صوت الله ومستنيك تصطاده
وتحصد زرع تعبك ببركات مضاعفة بأمر الله شخصيًا.
إتشجع وكمّل صيد وبلاش تيأس.