|
 |
 |
 |
|
رقم المشاركة : ( 1 )
14 - 02 - 2023, 07:58 PM
|
|||||||||||
|
|||||||||||
 صاحى النهارده على صور تفرح القلب حقيقي ♥️ كل اتنين طايرين ببعض و بيشكروا ربنا على نعمته زى حب يعقوب لـ راحيل كدا اللى خدم لأجل عيونها ١٤ سنه و كانت فى عينه كأيام قليله بسبب محبته لها ♥️ بس للأسف اوقات كتير بننسى إن مش كل قصص الحب بتكون زى يعقوب و راحيل .. كان فى بين السطور قصة حب مختلفه شويه عن اللى نعرفه.. حب اعمق و اجمل قصة حب الله لـ ليئه .. ليئه المكروهه من الكل حتى من أهلها إنسانه ضعيفه النظر، بتفتقر لمظاهر الجمال و القبول عند البشر ليئه اللى أهلها شافوها مجرد حِمل لازم يخلصوا منه !! فـ داروها ورا طرحه و لبسوها ليعقوب بدل اختها راحيل تخيلوا واحدة فى اول يوم جوازها يعقوب جوزها بدل ما ياخدها فى حضنه و يسمعها احلى كلام و يقولها انتى تعويض ربنا ليا، انتى اللى تعبت علشانك و ..... لأ!! دا يصرخ و يقول مش دى اللى انا عايزها .. انا انضحك عليا فيها و بدل ما تفرح بجوازها .. يفضل جوزها مش شايفها و عينه على راحيل اختها الصغيره !! لكن عين الله كان ليها نظرة مختلفه ♥️ يقول الكتاب .. " أحب يعقوب راحيل أكثر من ليئه .. و رأى الله أن ليئه مكروهه، فـ فتح رحمها .. " تكوين ٢٩ نظره الله لـ ليئه مش زى نظرة البشر اللى بيبصوا على الشكل و الملامح و العينين و المناخير و السنان و ... ربنا رأى ليئه من جوا .. ليئه في نظره مثمره، ليئه مقبوله ومحبوبه ، ليئه زمانها زمان الحب حب مش من سبع سنين، حب من قبل ما تتولد و هيستمر لبعد ما تموت !! حب كان تعويضه إن ربنا يديها نسل يفرح قلبها و قلب جوزها و يجي المسيح المخلص منها و يرتبط اسمه بإسمها .. ليئه المكروهه !! رساله لكل ليئه مكروهه و مكسورة .. مستنذفه فى علاقات مع اقرب ناس ليها بتاخد منها اكتر ما بتدى و بتهد مش بتبنى لسه ليكى إله موجود وسط كل ظروفك قادر يعوض تعبك و قله حيلتك إله لا بياخد بالشكل ولا بالمؤهلات ولا الإمكانيات و المواهب ولا بأى حاجه البشر بيبصوا عليها .. لأ انتي عنده محبوبه مثمره ومقبوله بالكامل زى ما خلقك، انتي رائعته، انتي كاملته ... هَا أَنْتِ جَمِيلَةٌ يَالَيْئَةَ، هَا أَنْتِ جَمِيلَةٌ. عَيْنَاكِ حَمَامَتَانِ. نشيد ١ الله أخرج من المكروهه أعظم إعلان حب للخليقه كلها ♥️ رأى الله ♥️ 
|
 |
|
| قد تكون مهتم بالمواضيع التالية ايضاً |
| الموضوع |
| ويعدي بيك وسط آلامك كلها♥️ |
| أنتِ روحي وراحتيَ والدنيا كلها♥️ |
| ولكن اطلبوا أولاً ملكوت الله وبره ، وهذه كلها تزاد لكم ♥️💫 |
| ♥️أب ♥️ راعي ♥️ قاضي♥️ طبيب ♥️ |
| مخرج حياتك هو مخرج الكون.♥️✨ |
العرض العادي
