| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
14 - 02 - 2023, 09:32 AM
|
||||
|
||||
 مشكلتنا اننا فاكرين ان الله دا قديم مش عارف الدولار و النت و امريكا و الازمة و الحرب و الالات الجديدة!! فاكرينه شخص من جيل قديم مش فاهمنا و لا فاهم احتياجتنا الجديدة دي بس ف الحقيقة هو "#ضابط_الكل" اللي عارف و فاهم كل حاجة قبل ماتحصل اصلا...اللي منشئ و مرتب كل حاجة..فوق استيعابنا حتي فاهم يعني ايه دولار و يعني ايه اقتصاد ويعني ايه أزمة و يعني ايه بنزين!! فاهم و عارف ايه هي ال MBA و الMRCS وال CMP واي شهادة بنقولها ب٣ حروف وفاكرين اننا كدا معدينه!! كل الحاجات الضخمة الكبيرة اللي محدش فاهمها دي و شاغلة بالنا و رعبانا و قلقانا...بتدور كلها ف ايده!! هو مش قديم و راحت عليه!! هو الوحيد الثابت ف كل زمان... هو الوحيد العالي فوق اي تطورات و تحديات هو فاهم جدا الدولار بقي بكام...و البنزين بقي بكام هو لما قال "اُنْظُرُوا إِلَى طُيُورِ السَّمَاءِ: إِنَّهَا لاَ تَزْرَعُ وَلاَ تَحْصُدُ وَلاَ تَجْمَعُ إِلَى مَخَازِنَ، وَأَبُوكُمُ السَّمَاوِيُّ يَقُوتُهَا" كان قصده ع الوقت دا برضو مش ايام ما رغيف العيش كان بشلن بس!! لا, هيعرف يقوتها و رغيف العيش بشلن ويقوتها برضو لو رغيف العيش بقي ب ١٠ جنيه هو فاهم و عارف و ف ايده كل دا المشكلة عندنا احنا!! احنا اللي فاكرين اننا فاهمين احسن منه...مع اننا مش فاهمين اي حاجة احنا اللي فاكرين اننا عارفين حياتنا احسن منه...مع اننا مش عارفين اي حاجة احنا اللي طول اليوم عمالين نقرا اخبار مرعبة و بوستات مرعبة و احداث و سناريوهات مهلكة!! ومسكتين صوته خالص!! احنا اللي معلين صوت العالم المزعج المرعب المقلق...و طافيين صوت الوحيد اللي قادر يهدي كل دا !! الحل ف عز الازمة دي مش اننا نحوش دولارات ولا اننا نسيح الدهب ولا اننا نشتري بفلوسنا كتاكيت الحل اننا...نهدي نطفي كل الاخبار المزعجة و البوستات و الاخبار المرعبة و نسمع للي بيطمن و قادر يعدينا فيها بكل سلام..و نثق فيه اكتر! هو فاهم و عارف وبيتدخل..و دا كفاية يطمنا ف الازمة دي 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ابوك عارف مين هما ولاده.. و عارف مين اللى بيحبه | walaa farouk | أقوال الأباء وكلمة منفعة | 0 | 30 - 05 - 2023 06:33 PM |
| مش عارف ازاي وامته بس عارف انك تقدر تحل اي مشكله يارب | ميرو | موسوعة توبيكات مميزة | 2 | 26 - 09 - 2018 01:33 PM |
| حد فاهم حاجه لو حد فاهم يفهمني عشان انا مش فاهمه | ميرو | النكت والفرفشة | 7 | 19 - 07 - 2017 04:14 PM |
| مش عارف.. مش فاهم .... ايه هو الحب !!! | walaa farouk | شبابيات الفرح المسيحى | 3 | 12 - 07 - 2016 03:19 PM |
| في حاجات كدا بنتمناها مع انك عارف انها بعيده بس مش عارف تبطل تفكير فيها | ميرو | موسوعة توبيكات مميزة | 0 | 04 - 12 - 2015 08:03 PM |
العرض العادي
