|
 |
 |
 |
|
رقم المشاركة : ( 1 )
11 - 02 - 2023, 11:32 AM
|
|||||||||||
|
|||||||||||
 لو بتخدم .. وفيه حد جالك يشتكيلك وجعُه من انتظاره لله .. متحاولش تاخُد صف المحامي اللي بيدافع عن الله .. لسببين: أولهم ان اللي جه يشكيلك، جايلك من خبرة موجعة .. والخبرة الموجعة محتاجة خبرة شافية، مش دفاع! تاني سبب، انك مينفعش تناقشه عشان تقنعه انه غلطان .. لأن المشاعر تُفهَم ولا تناقَش، لأنها دايمًا حقيقية! -- اللي انت محتاج تعمله انك تسمعه وتفهمه وتقدّره .. وبعدين تتحرّك ناحيته كسفير لله، مش كمحامي .. لأن الموجوع محتاج يتلامس مع الله الشافي، من خلالك .. ودان تنصت، قلب يحس، إيدين تطبطب، إنسان يساعد .. تفكّر معاه بصوت عالي، تصلي عشانه ومعاه! -- الموجوع محتاج شفا يضمّد جرح قلبه .. مش محتاج حجج تخرس عقله! لما يشوف فيك الله، ساعتها ممكن يبتدي يسمع منك عنه! 
|
 |
|
العرض العادي
