19 - 01 - 2023, 11:49 PM
|
|
|
|
..::| الإدارة العامة |::..
|
|
|
|
|
|
زوّادة اليوم :هوّي اللي مات كرمالك عالصليب!
بيخبرو عن ابونا بيحبّوه الناس كتير بالضيعة اللي بيقدّس
فيها إلّا زلمي واحد! قالولو: شو ما كان سبب الخلاف انت
و الأبونا لازم تروح عالقدّاس! قلّن: ما القدّاس هوّي المشكلة!
انا ما بعرفو للأبونا تا كون مختلف معو.
.. تفاجأوا إنّو كيف فيه القدّاس يكون مشكلة! كَمّل
و قلّن: هالأبونا عندو وعظة كتير طويلة
و انا ما فيّي اتحمّل اقعد هلقد وقت عم بسمع...
قالولو: ما بتسمع اخبار عالتلفزيون؟ قلّن مبلا
، قالولو ما بتحضر فيلم بالسينما؟ قلّن مبلا،
قالولو ما بتحضر ماتش فوتبول؟
قلّن مبلا! قالولو: كل هالإشيا أطول بكتير من وعظة الأبونا
و عم تتحمّل تقعد تسمعن انت و مبسوط..
. بيستاهل ربنا شوي من وقتك تسمع كلمتو
و تفرح برفقتو هوّي اللي مات كرمالك عالصليب! يوم مبارك❤️
|
