... ارمي همك ليه وسيب الباقي عليه
فيه ناس لما بتكون عندها مشكلة بتجري علي اقرب حد ليها وتحكيله
بتاخد رأيه واول مابتتكلم بتحس انها ارتاحت
سواء اللي حكتله ده اداها حل لمشكلتها او مدلهاش
بس كون انها خرجت اللي جواها ده كفيل انه يحرك الهم اللي علي القلب
يابخت اللي عنده حد زي كده يقدر يحكيله ويفضفضله في اي وقت وخصوصا
ان الشخص ده يسمعك في اي وقت دون ملل او تهرب
طيب لو معندكش تعمل ايه ؟؟
جرب وانت نايم امسك تليفونك وحطه علي ودنك واتكلم واقول
ايوه يارب .. سامحني طول اليوم مشغول عنك بس وقت المحنة ووقت
الضيق بتكون ليا اوفى صديق
اتكلم وقوله كل اللي بيدور في بالك كأنك بتكلمه في التليفون فعلا
فضفض بكل اللي جواك وتأكد انه سامع كل كلمة انت بتقولها
خرج كل اللي جواك في مكالمة تليفون مع الله
وحده القادر يمسح الهم من علي القلوب
ويدي البسمة علي الوجوه
وفي وسط ظروف الحياة وانشغال الكل عنك
هو عمره ماينشغل ومستعد يسمعك في اي لحظة
جرب تكلمه ومش هتخسر حاجه ... ثق انك هتكسب كتير
المهم خلي عندك ايمان ان فيه حد سامع كل كلمة انت بتقولها في التليفون
... ارمي همك ليه وسيب الباقي عليه
