11 - 01 - 2023, 10:45 PM
|
|
|
|
..::| الإدارة العامة |::..
|
|
|
|
|
|
*🔥صبحية مع الرب 🔥*
*☀️صباحك يا ربّ هوي صباح الأمل والرجاء والفرح والسلام لأنّك إله السلام
، وعندك كل الفرح والطمأنينة، وفيك الحياة بتكتمل.*
*🙇♂️يا يسوعنا الحبيب، يا خبز الحياة، اللي قدمت ذاتك لإلنا غذاء
تا ما نكون عم نحتاج لشي، وما تقوى علينا أبواب الجحيم،
منشكرك لأنّك ما تركتنا ولا بتنسانا وخصوصي وقت حاجتنا الك
، إن كانتكبيرة أو صغيرة، روحيّة أو ماديّة.*
*🛐يا يسوعنا الحبيب، يا إلهنا الغالي، اللي بتعرف كل حاجاتنا
، نحنا منعرف إنّك ما وعدتنا بالغنى المادي، ولا بالمراكز ولا بالجاه،
منشكرك لأنّك بتحبنا متل ما نحنا.*
*👑يا إله الرحمة، مملكتك مش من هيدا العالم الزايل،
منشكرك لأنّك وعدتنا ووفيت بوعدك بإنّك تعطينا خبزنا الجوهري كل يوم
، وما حرمتنا منّو.*
*💰يا ربّ السما والأرض، كنوز الدني كلّا ما بتسوى شي قدّام غنانا فيك
، مع العلم في جوع أرضي، بس معك يا يسوع نحنا دايماً شبعانين منّك لأنّك إنت الحياة.🙏*
|
