|
 |
 |
 |
|
رقم المشاركة : ( 1 )
27 - 12 - 2022, 10:32 AM
|
|||||||||||
|
|||||||||||
 عايز ايه من السنة الجديدة؟ سؤال باسأله لنفسي كل سنة عايز ايه ؟؟🤔 عايز إستخدام ومجد وإنقاذ وتحرير وشفاء وسنة تعويضات فيها تعويض عن كل اللي فات والمجد الاتي وكلها امنيات جميلة … بس معرفش ليه السنة دي حسيت إنه لأ مش عايز كل ده أنا عايز سنة أكون فيها أنا .. أعرف نفسي ومشاكلي وضعفاتي اشوفني على حقيقتي من غير تقليل ولا تضخيم أدخل جوايا واكتشف أنا مين أعرف المسيح ولما أعرفه أعرفني من عينيه بس عشمان منه بزيارة زي زيارة السامرية اللي كانت كانت علامة فاصلة في حياتها وزيارة نازفة الدم اللي وقفت نزيف سنين وزيارة بطرس اللي كان هيغرق ورفعه وزيارة زكا اللي لما عرفه الغالي رخص في عينيه انا عايز سندة من الروح القدس تخليني ادخل جوايا واحترم محدوديتي وخبراتي وسقطاتي وضعفاتي وحيرتي ومشاكلي نفسي في سنة اكون فيها انا من غير أقنعة ودوشة كذابة وصوت عالي على الفاضي سنه اختبر فيها عمق مختلف معاه ومن محبته وأحب نفسي لما أشوفها بعيون المسيح … و إنت نفسك في ايه السنة دي ؟ 
|
 |
|
العرض العادي
