ايمان أصحاب

[walaa farouk]

إيمان أصحاب..
في أوقات بنحس اننا لوحدنا!
ويمكن بنقول مفيش صاحب جدع 😢
لكن الكتاب المقدس حكالنا قصة عن إيمان أصحاب
نتيجة إيمانهم مش بس شفاء لكن كمان غفران..
القصة في (مرقس 2: 1-12)
بتحكي عن واحد مشلول كان عنده أربع أصحاب
الصحاب سمعوا عن السيد المسيح صاحب المعجزات 😍
خدوا صاحبهم المشلول وراحوا للمسيح
علشان بس يعمل معجزة
لكن الدنيا كانت زحمة ومعرفوش يوصلوا ليه،
فطلعوا فوق سقف البيت اللي المسيح كان فيه،
وفتحوه ونزلوا صاحبهم علشان يتشفي..
" فَلَمَّا رَأَى يَسُوعُ إِيمَانَهُمْ، قَالَ لِلْمَفْلُوجِ:
يَا بُنَيَّ، مَغْفُورَةٌ لَكَ خَطَايَاكَ"(مرقس2: 5)
إيمانهم خلى صاحبهم تغفر خطاياه!
لكن كان في ناس موجودين معجبهمش كلام يسوع
انه بيغفر الخطايا وكان بيفكروا جوة قلوبهم وبيقولوا
"لِمَاذَا يَتَكَلَّمُ هذَا هكَذَا بِتَجَادِيفَ؟
مَنْ يَقْدِرُ أَنْ يَغْفِرَ خَطَايَا إِلاَّ اللهُ وَحْدَهُ؟"(مرقس2: 7)
وطبعا كلامهم صح محدش بيغفر الخطايا غير الله بس
ولأنه هو الله المتجسد سمع اللي بيقولوه جوة قلوبهم
قالهم إيه اسهل أقول كلمة بالغفران ولا أقوله قوم امشي
"وَلكِنْ لِكَيْ تَعْلَمُوا أَنَّ لابْنِ الإِنْسَانِ
سُلْطَانًا عَلَى الأَرْضِ أَنْ يَغْفِرَ الْخَطَايَا"(مرقس2: 10)
قال للمفلوج قوم امشي قام في الحال!.
المسيح مش جاي بس يعمل معجزات
لكن المعجزات بتأيد أن هو صاحب السلطان وان هو الله المتجسد
وأعظم معجزة عملها المسيح انه فدانا علشان يغفر ذنوبنا
لو بس بتقرب من المسيح علشان صاحب المعجزات
ومستني حاجات أرضية هتبقى خسران
لان أعظم معجزة بيعملها المسيح
هي التبرير وتغير القلوب
صلي يبررك ويغير قلبك 😍🤲
وحدي_ومش_ونسان #الشعور_بالوحدة #الوحدة