فرصة شغل ما تتعوضش

[walaa farouk]

مطلوب قائد مغوار بقلب أسد..
الشروط:
❌ الهيئة الجسمانية مش شرط خالص،
مهما كان طول بعرض وعضلات.
❌ الخبرة الحربية برضو مش أساسية.
❌ الكاريزما حلوة بس ممكن نتغاضى عنها عادي.
✅ الحاجة الوحيدة اللي محتاجينها هي القلب.

صموئيل وهو بيختار قائد جديد للشعب بعد شاول،
كان بيفكر بيشوية مقاييس مبهرة ومطلوبة وكويسة.
بس الله كان ليه رأي تاني.

وَكَانَ لَمَّا جَاءُوا أَنَّهُ رَأَى أَلِيآبَ، فَقَالَ: «إِنَّ أَمَامَ ٱلرَّبِّ مَسِيحَهُ».
فَقَالَ ٱلرَّبُّ لِصَمُوئِيلَ: «لَا تَنْظُرْ إِلَى مَنْظَرِهِ وَطُولِ قَامَتِهِ لِأَنِّي قَدْ رَفَضْتُهُ. لِأَنَّهُ لَيْسَ كَمَا يَنْظُرُ ٱلْإِنْسَانُ. لِأَنَّ ٱلْإِنْسَانَ يَنْظُرُ إِلَى ٱلْعَيْنَيْنِ، وَأَمَّا ٱلرَّبُّ فَإِنَّهُ يَنْظُرُ إِلَى ٱلْقَلْبِ».
صموئيل الأول 16

كل إمكانياتك الشخصية كويسة ورائعة وهنحتاجها في الخدمة،
لكن الأهم منهم كلهم "قلبك"