مهما انت بتغلط هو لسة بيغفر

[walaa farouk]

فى ايه بتفرق معايا فى الكتاب المقدس حابه اشاركم بيها
"قَدْ مَحَوْتُ كَغَيْمٍ ذُنُوبَكَ وَكَسَحَابَةٍ خَطَايَاكَ. اِرْجِعْ إِلَيَّ لأَنِّي فَدَيْتُك" (اشعياء 44 :22)
فى الحقيقة الفرق بين السحابة والغيمة ان الغيمة هى سحب كتير ولونها غامق
لكن السحابة هى اقل كثافة ومش غامقة ودول عاملين زى الخطايا الكبيرة والخطايا الصغيرة
واحب اقولك انهم عند ربنا واحد ولكن الاتنين مغفورين واتمحوا من عند ربنا،
امته يكونوا مش موجودين عند ربنا ونسيهم لما نقفل علينا مخدعنا ونقوله انا اسف
انا جاى بعترف قدامك انى خاطئ ومستحقش غير الموت والحجيم
فجاي بعترف قدامك على الخطية دة وبطلب منك تسامحنى بس كدة اة هو بس كدة،
الله سهل انه يغفر انه يغفر ويمحى الخطية لكن ابليس واحنا اللى بنصعبها على نفسنا
فابليس بيجى يقولك انه ربنا بيغفر مرة واتنين ولكن التلاته لا
فاحب اقولك ان المعلومة دة غلط جدا
لاننا بنربط غفران ربنا لينا بغفرانا احنا للناس فاحنا بنغفر مرة واتنين بس التالته بنقول لا
خلاص انت جبت اخرك معانا،
فربنا مش كدة معانا لانه مش انسان لانه معندوش الاخر فينفع يغفرلك بعدد غير محدود
فى اليوم فاطمنك انك مهما انت بتغلط هو لسة بيغفر✨❤❤