يابختي بيك يا أبويا و يا بخت كل المتكلين عليك

[walaa farouk]

و احنا عابرين في وادي البكاء
يارب أنا مش قادر أثبت عينيا عليك، جبال الإحباط ماليه عينيا
و حاجبه عني رؤيتك 😔
و لا قادر أقفل وداني عن أصوات الموت اللي حواليا 🤦
يارب دا حالي لما بابص على نفسي و على السكة
و أنزّل عينيا من عليك 🥺

لأَنَّ الرَّبَّ، اللهَ، شَمْسٌ وَمِجَنٌّ. الرَّبُّ يُعْطِي رَحْمَةً وَمَجْدًا.
لاَ يَمْنَعُ خَيْرًا عَنِ السَّالِكِينَ بِالْكَمَالِ.(المزامير ١١:٨٤) ♥️✨
أفتح عينيا يارب علشان أشوف ايدك في ظروفي شمس بتنور
طريقي و ترس بيحميني من مخاوفي 😊
علمني يارب أثبّت عينيا عليك انت وحدك و على وعودك ✊
علمني إن الحرب مش ليا لكن ليك أنت 💪
وأن أنت ضامن المسير و فيك وحدك كل التدبير 😍

يَا رَبَّ الْجُنُودِ، طُوبَى لِلإِنْسَانِ الْمُتَّكِلِ عَلَيْكَ ( المزامير ١٢:٨٤ )
يابختي بيك يا أبويا و يا بخت كل المتكلين عليك 💜

#يا_بختك_لو