بس أنت ماتستعجلش

[walaa farouk]

عارفك تعبت ياصديقي ونفسك الوعد يتحقق والواقع يتغير دلوقتي..

عارفك تعبت من الناس والظروف والتأخير
وسكوت الله وتعبت حتى من نفسك.

عارفك مابقتش تصدق للآخر ولا تثق للآخر في حاجة أو في حد..

يمكن من كتر الخذلان.. يمكن من توقُعاتك العالية..
يمكن من كُتر ما بتتعلق بأي امل ولو ضعيف..
معرفش التفاصيل، بس اعرف كلمة على قلبي ليك..

ماتستعجلش..

ماتستعجلش ياصديقي..
ماترضاش باللي موجود..
"ماتستسهلش" اللي بين ايديك دلوقتي.

ماترضاش باللي قلبك قالك عليه لأ.

بلاش تعيش نُص حياة؛ بلاش تبان فرحان وانت جواك خايف.

وصدقني.. الله امين..

صدقني الوعد جاي..
اسحق (ابن الموعد) جاي بعد طول انتظارك..
الحركة والبركة والانطلاق جاي..

بس نصيحتي..

خليك امين في "هنا ودلوقتي".
خليك في الزمن ده ماتسبقش ربنا في توقيتُه ليك.

طب والجاي؟
الجاي مش بتاعك اصلاً..
الجاي بتاعُه هو.. بيحضَّره، ويحضَّرك ليه لما ييجي وقته..

بس أنت..
ماتستعجلش..