علمني ابقي شبهك اغفر واستمتع بكل بركة للغفران

[walaa farouk]

لما بنتأذى اوقات بنحس إن اللي أذاني مايستاهلش الغفران
....اللي عمله كان كتير ...
والظلم اللى اتعرضت له كمان كتييير ....والكلام ده بيبقى حقيقي
بس اللى بيبقى مستخبي عننا أن لما باغفر انا اللي بارتاح
...انا اللي باعيش في سلام مش الطرف التاني .......
تعالوا نبص على البركات اللى بنتبارك بيها لما بنغفر ......
•لما باغفر باعيش حياة هادئة مافيهاش صراعات
لِأَنَّ: «مَنْ أَرَادَ أَنْ يُحِبَّ ٱلْحَيَاةَ، وَيَرَى أَيَّامًا صَالِحَةً،
فَلْيَكْفُفْ لِسَانَهُ عَنِ ٱلشَّرِّ، وَشَفَتَيْهِ أَنْ تَتَكَلَّمَا بِٱلْمَكْرِ،
لِيُعْرِضْ عَنِ ٱلشَّرِّ، وَيَصْنَعِ ٱلْخَيْرَ، لِيَطْلُبِ ٱلسَّلَامَ، وَيَجِدَّ فِي أَثَرِهِ.
إسترجع كده أيام ما بتبقي مجروح ومتضايق من حد
...إزاي مابتبقاش مرتاح ...مش مركز ....مش عارف تنام ...😞😥
على العكس لو انت في سلام مع الآخرين
•الرب بيبارك حياتك ...بيتك ...شغلك ..خدمتك لما بتقرر تغفر ..
ابراهيم إتبارك بسبب إنه إختار يسيب حقه مع لوط ..إتبارك كل ماله ....قال للوط"لا تكن مخاصمة بينى وبينك وبين رعاتي ورعاتك"
....وخلّاه يختار هو الأول الأرض اللي يعيش فيها ....
•غفران الله مرتبط بغفرانك للآخرين ...
وَإِنْ لَمْ تَغْفِرُوا لِلنَّاسِ زَلَّاتِهِمْ، لَا يَغْفِرْ لَكُمْ أَبُوكُمْ أَيْضًا زَلَّاتِكُمْ.
تخيل حياتك يوم واحد من غير الغفران الإلهي
يبقي شكلها إيه .....🤷🏼‍♂️🤦🏼‍♀️
•لما باغفر حياتي بتشهد عن إله هو المحبة ....
...استفانوس كان مثل قدام شاول
حتى لو باين في المشهد إنه مبسوط من قتله بس أكيد
إنه كان مثل فى الغفران حتى وهو بيموت قال "يارب لا تقم لهم هذه الخطية "
يسوع هو المثل الأعظم في الغفران
"يا أبتاه اغفر لهم لأنهم لا يعلمون ماذا يفعلون ".......
صلي معايا الصلاة دي 🗣️🙏
يارب انا ضعيف ... اللي حصلّي اقوى مني .
... باطلب قوتك تيجي على كل عدم قدرة
...ساعدني اسامح واغفر زى مانت سامحت بالكتير .
....علمني ابقي شبهك ... إديني اغفر واستمتع بكل بركة للغفران..
...آمين