أطمن قضيتك قدامه

[walaa farouk]

عارف المشكلة اللي عندك اللي مش باين إنها هتتحل؟!
عارفة جارتك اللى تعبتي من المشاكل معاها
ومش قادرة تنقلى في شقة تانية عشان ظروفك؟!
عارف مديرك اللى ضاغطك طول الوقت وعمره ما قدّرك
ومش قادر تسيب شغلك عشان محتاج للدخل ده؟!
عارف ابنك اللي تعبت منه، من كتر المشاكل اللى بيعملهالك؟!
عارف الظلم اللي واقع عليك بقاله زمن وأنت زهقت وتعبت من كتر الصلاة؟! 😰

عايز اطمنك النهاردة زمان أيوب كان فى وضع صعب أوي
فاقد ولاده وكل اللي عنده ومراته واصحابه كانوا بيتعبوه
اكتر من اي حد، لكن الرب وصلّه، اسمع الاية دي
فَإِذَا قُلْتَ إِنَّكَ لَسْتَ تَرَاهُ ، فَٱلدَّعْوَى قُدَّامَهُ، فَٱصْبِرْ لَهُ .
أَيُّوبَ 35 : 14😇

أطمن قضيتك قدامه
أطمن هينصفك قريب
أطمن هو مش ناسي كل صلاة وكل دمعة سكبتها قدامه
اصبر عدى كتير لكن اللي فاضل قليل
انتظر الرب 💜