17 - 10 - 2022, 08:04 AM
|
|
|
|
..::| الإدارة العامة |::..
|
|
|
|
|
|
كل مره باحس فيها بهيجان جوايّ وحواليّ..
زوبعة مش مفهومة..
كل الثوابت بتتهز..
كل أمور متطمن لوجودها بتتكسر وكأن خلاص المشهد ضباب، سواد حالك..
خوف من بكرة ومن المشهد..
بافتكر أوي مشهد المسيح وهو في المركب مع التلاميذ
والبحر هايج.. التلاميذ صرخوا زي الصراخ اللي جوايّ،
اللي يمكن مش عارف أنطقه بس بياكل في دماغي حرفياً
وباشوف مشهد المسيح اللي بكل سلطان..
"فَقَامَ وَانْتَهَرَ الرِّيحَ، وَقَالَ لِلْبَحْرِ: «اسْكُتْ! اِبْكَمْ!».
فَسَكَنَتِ الرِّيحُ وَصَارَ هُدُوءٌ عَظِيمٌ." (مر 4: 39).
وبافضل أقولها بصوت عالي، وأقولها علي الأمواج العالية
جوايّ وجوه ذهني ودماغي ومشاعري:
اسكت ابكم باسم يسوع
باحس بهدوء بعدها ☺️
يمكن الواقع ماتغيرش بس جوايّ هديت وبقيت قادر أشوف …
باصلي النهارده
إنه يسكت ويبكم كل صوت وضجيج وصراخ جواك ..
إنه يصير هدوء عظيم …
|
