ازاي تقبل نفسك وتطورها؟

[walaa farouk]

ازاي تقبل نفسك وتطورها؟
كتير مننا بيعدي مواقف يكون محبط
ومتضايق من نفسه، أو بيحس أنه قليل
وشخص سيء، لكن خلينا نتعرف على نفسنا أكتر
ونقبلها، لأن القبول أول خطوة في التغيير 👇

1- أكتب صفاتك السلبية والإيجابية ✍️
هات ورقة وقلم وأعمل جدول أكتب إيجابياتك وسلبياتك،
أوقات بنكون شايفين عيوبنا بس لكن أكيد فينا إيجابيات

2- أكتب مهاراتك واخفاقاتك ✍️
زي ما أنا صعب عليا أعمل حاجات، لكن أكيد شاطر
في حاجات تانية، ممكن يكون مستوايا قليل في الدراسة،
لكن في مهارات تانية أنا شاطر فيه،
شاطر في الموسيقى شاطر في الكتابة و....

3- قيّم نفسك صح 👌
بص للورقتين اللي كتبتهم هتلاقي أنك مش وحش
زي ما أنت متخيل، وهتلاقي إن في حاجات كويسة فيك،
افرح بإيجابياتك وبمهاراتك
زي ما بتحزن من سلبياتك واخفاقاتك.

4- واجه نفسك 👥
بعد ما كتبنا السلبيات والاخفاقات مش عايزين ننكرها،
لكن اعترف بها وحاول تغيرها، مش الحل
اني افرح بالإيجابيات وأنكر السلبيات

5- صاحب نفسك وترفق بها 🥰
أوقات كتير مش بقعد مع نفسي
ويمكن بحكي مع كل الناس إلا أنا، لكن علشان أتغير
لازم أكون عندي وعي بنفسي، كمان أعاملها كويس،
ممكن لما حد يغلط أحس إن عادي وأسامحه،
لكن لو غلطت أجلد ذاتي،
بس انا استحق أعاملني كويس.

6- قول لنفسك كلام إيجابي وابدأ في التغيير 🗣
شجع نفسك، وقول لها كلام إيجابي،
الكلام الإيجابي هو اللي بيدي دفعه للتغيير،
قول لنفسك أنا هتغير، أنا أقدر أتغير وأقدر
أكون مختلف، وقادر على التغلب على ضعفاتي 💪