يريحك الرب

[walaa farouk]

شعب إسرائيل راجع أرضه في مشهد بياخد العين..
ليهم وعد بالراحة بعد سنيييييين من السبي
.. سنين من العبودية.. سنين من الانزعاج .. فيقول الوحي: لأَنَّ الرَّبَّ سَيَرْحَمُ يَعْقُوبَ وَيَخْتَارُ أَيْضًا إِسْرَائِيلَ، وَيُرِيحُهُمْ فِي أَرْضِهِمْ
. (إشعياء ١٤: ١)

صديقي رسالتنا مُهدّفة ليك أنت مخصوص...
لو بقالك فترة طويلة في انزعاج..
لو بقالك سنين مُستعبد وتايه...
لو بقالك وقت شايف أنك مستنزف في سبي اتاخدت فيه
ومكنتش عارف إيه اللي بيحصلك..
لو سنين بتلف في ساقية ومش عارف سنينك دي راحت في إيه...

كلمات الله ليك:"وَيَكُونُ فِي يَوْمٍ يُرِيحُكَ الرَّبُّ مِنْ تَعَبِكَ وَمِنِ انْزِعَاجِكَ، وَمِنَ الْعُبُودِيَّةِ الْقَاسِيَةِ الَّتِي اسْتُعْبِدْتَ بِهَا" (إش 14: 3).
إله الحرية..
إله الراحة..
إله الاسترداد..
بيقولك أنا مستنيك عايز ارجعك لحضني.. تكون مطمن..
عايز يغمرك بحرية، ويريحك من كل تعب وانزعاج...