بادعيك تصلي (يا أبانا) بالنظرة الجديدة دي

[walaa farouk]

ندخل في الموضوع علطول بدون مقدمات...
وانا باقول (أبانا) الذي في السموات باعلن علاقتي بيه كأبن وهو أبويا
ولمع قدامي عمق جديد بدأت أصلي بيه في كل مرة باتأمل في "أبانا الذي".. لفت نظري إن الصلاة جماعية، الضمير المفرد غاب فيها...
يسوع ماقالش قولوا (يا أبي) لكن طلب مننا نقول (يا أبانا).. وده يحملنا مسئولية أننا في العيلة الكبيرة
بيورينا إننا لما بندخل عرش الآب بنحط في حسابنا أنه لينا اخوات.
وشفت صورة لأخواتي في نفس البيت "بيت الآب" ..
شفت جمال كل واحد وطلبت كدة (يا أبانا) زيده جمال🤍..
شفت نقط ضعف كل واحد وصليت (يا أبانا) خليني أصبر على اخواتي زي مانت صابر علينا كلنا🤲🏻..
شفت اخوات وحيده قلتله (يا أبانا) خليني أنا أكون ليهم أخ حقيقي وونيس في الوحدة🫂..
شفت أخواتي الكبار في السن اللي احتياجاتهم النفسية زادت عليهم🥹🥹..
شفت أخواتي المراهقين وتحدياتهم..
شفت الآباء والأمهات المطحونين..
شفت الأغنياء وشفت الفقراء...
شفت الشطار و اللي حيلتهم قليلة...
وبقيت أصلي لكل واحد صلاة مختلفة
لأنه ربنا فجّر جوايا محبة للعيلة الساكنة في بيت (أبانا)

بادعيك تصلي (يا أبانا) بالنظرة الجديدة دي..
تخليها تحدي انك هتصلي لكل واحد هيجي في بالك
... وافتكر مسئولية العيلة.. عيلة أبانا 💜

#تتعاش_مش_بس_تتقال
#تغيروا