موسي النبي في زمن العولمة

[walaa farouk]

ماذا لو: موسى كان عايش في وقتنا ده؟!!
كان هايشوف الناس والشباب مستعبدين لمخدرات وعلاقات وعادات شريرة. كان هايشوف صنم اسمه التليفون والموضة والفلوس،
كان برضوا هايشوف أخ بيقتل أخوه وأم بتبيع عيالها
وأب بيغرق أولاده. كان هايشوف ناس مذلولة في العبودية
وتقول مبسوطة. كانت الناس هاتتذمر عليه وعلي الله
وتقوله ليه ربنا سايب الأسعار تغلي والفقر عم عليهم
وليه معندناش زي الناس التانية وإن ربنا بعيد عنهم.
كان هايقابل ناس تقوله مافيش حاجة اسمها ربنا
...مافيش إله. كان هايقابل ناس تقوله بكرة ياموسى نتحرر
...وبكرة يجيب بكرة وهما على حالهم.
كان فيه ناس هاتصدق كلامه وتمشي وراه .
..وفيه ناس ولا كأنها سمعت حاجة. ★
يمكن زمان العبودية كانت في أرض، حريتهم أنهم يخرجوا منها
لكن في وقتنا ده العبودية إدمان وعلاقات وشر .
..الحرية منها هي المسيح.