العدرا كانت متواضعه تواضع حقيقي

[walaa farouk]

مش تواضع علشان اللقطه او الصوره او الحدث -زي ما انا بعمل-
العدرا كانت متواضعه -تواضع حقيقي- مش زي تواضعي خالص.
اكتشفت اني متواضع، تواضع افتراضي.
زي ما بيقولوا كدا على الأفلام و Social Media انهم عالم افتراضي، صور افتراضيه بنبروز فيها اشكالنا وشخصياتنا بنظهِر فيها الصورة اللي عاوزينها تبان .. لكن الحقيقة اننا مش كدا.
البرواز اللي حضراتكم شايفينه من تواضع ومثالية.. دا -للأسف- مش حقيقي.
والكارثة الاكبر انكم هتفتكروا ان تصريحي دا -تواضع زايد مني-
صلولي اتعلم من العدرا واتواضع تواضع حقيقي، لأن ربنا بيحب المتواضعين.
•••لأنه نظر إلى اتضاع أمته. فهوذا منذ الآن جميع الأجيال تطوبني.
لو 1: 48
#العذراء