ارجع إلى نفسك فى خدمتك

[walaa farouk]

عارفين ليه الناس بتسيب الكنيسة والخدمة وتمشي:

- عشان تلت اربعنا مابيحبش بعض بجد مع إن الله محبة.
- عشان في مجموعة طول الوقت عايزة تسيطر علي كل حاجة هي وبس.
- عشان معظمكوا حاسس بنفسه أوي وناسي إنه مُجرد وسيلة.
- عشان إتنين تلاتة بس منكم بيشجعوا والباقي نازل هد حيل.
- عشان كلكوا بقيتوا شلة واحدة وأي غريب بينكم مرفوض للمُنتهي.
- عشان معظمكوا فاهم الخدمة غلط والمفروض يتخدم هو الأول.
- عشان فيكوا ناس لسة بتغير ومش حابة الخير أبدًا لغيرها.
- عشان دايما بترفضوا الافكار الجديدة ومصممين ع نفس القديم الممل.
- عشان مش بتقربوا من عقول جيلنا وتفكيره وشغالين بعقولكم وتفكيركم انتوا ال هو مش نافع معانا ولا مع جيلنا.
- عشان لسة بتتكلموا علي بعض وكله بيسابق التاني وكأنها حرب.
- عشان ماحدش بيساعد غيره بالمفهوم الحقيقي للمساعدة بالعكس.

* راجعوا نفسكوا وإشتغلوا تاني من جديد، عشان الكلام المكتوب فوق ده، بيدور جوة دماغ ناس كتير مشيت وسابت الكنيسة بسببكم .. وإنتوا السبب 🤍✨
#ارجع_إلى_نفسك_فى_خدمتك