فن التدويل !!!!

Haia · رقم المشاركة : ( 1 ) 27 - 09 - 2012, 05:44 AM

دق جرس التليفون الساعة الرابعة صباحاّ .
مين معايا ؟
أنا ولد عمك بأكلمك من الصعيد .
خير فيه أيه؟؟
لاخير ولا حاجة . المقدس الكبير سلم الأمانه وتعيش أنت .
بلغ كل القاريب حداكم . وأحنا منتظرينكم علشان تحضروا الميتم .

*************************

تمت مراسم الجنازة ولم يحضر احد من الاقارب .

************************

بعد أسبوعين ــــــــــــــ الساعة الرابعة صباحا .
دق جرس التليفون .
مين معايا ؟
أنا ولد عمك بأكلمك من الصعيد .
حصل أيه تانى ؟؟؟؟
ما حصلش حاجة .
بس زى ما أنت عارف المقدس الكبير رحل وبنفكر فى تقسيم التركة .
حاضر ومتشكرين على رجولتك وشهامتك . ها نيجى على طول كلنا فى أول قطر . أنتظرونا .
***********************
الساعة الحادية عشر مساء . الأسرة والاقارب كلهم موجودين فى بيت أبن العم فى الصعيد .
وأبن العم يبتسم بخبث وهو يقول . سبحانك يا الله . لما أتصلت علشان الجنازة محدش سمع ومحدش جاء .
ولما أتصلت علشان توزيع الفلوس . الكل سمع كويس . والكل هنا .
سمحونى يا أولاد العم . أحنا مش ها نوزع حاجة ومش ها نقسم حاجة .
دى بس كانت حدودة مع أخواتى هون . لما قلت ليهم أنكم غصب عنكم ما تقدروش تيجوا الجنازة , قالولى أنت لسه ما بتعرف تفهم الدنيا . دول ودانهم معمولة من طينه تانيه . بتسمع اللى بيعجبها واللى ما يعجبهاش ما بتسمعوش ......
.. وأنا بصراحى يا ولد العم حبيت أشوف بنفسى كلامهم صح ولا غلط . وعلشان كدة مزحت معاكم وقلت ليكم تعالوا .
ودلوقتى عرفت صح أن أخواتى معاهم حق .
وفعلا فيه ناس ما بتسمعش حاجات ـ وبتسمع حاجات تانى . يااااااااااااه ياما هانعيش ونتعلم .

وللموضع بقية

Haia · 03 - 10 - 2012, 03:44 PM

........ هذه المقدمة السابقة هى مدخل لحاسة السمع .
واحدة من أعظم وأجّل الحواس , والتى ــــــ وهب الله ـــــ الأنسان بها .
والقاعدة تقول أن عدم معرفتنا بالشىء لا ينقص من قدرة . بمعنى أن االغير متعلم , لا يؤثر كثيرا فى التقدير الفعلى للعلم .
وبتوضيح أكثر . إذا سألنا أنسان بسيط عن فائدة الأذن , فقد يذهب بمعرفته أنه فائدتها هى حمل النظارة
وإذا سالنا الأنسان المتعلم فسوف يشرح لنا فوائد السمع .
لكن سنذهب الان إلى مجال أعلى وأدق فى معرفة حاسة السمع وتأثيرها الداخلى على الأنسان .
حاسة السمع بعد معرفتنا بها من أنها الحاسة التى نستطيع بها أن نسمع ونفهم ونتخاطب .

هى حاسة تستطيع أن تسمو بالأنسان إلى مراحل قداسة عالية .

تعالو نشوف فى انجيل لوقا البشير الاصحاح الثامن عدد ( 5 ) !!!!!!
خرج الزارع ليزرع !!!!!!!!!
هذا الزرع بيتم يومياّ فى داخل الكنيسة . وكل مٌن فى الكنيسه بيحصل ليهم نوع من التطهير عن طريق حاسة السمع . ودى بتم بواسطة كلام الله المقدس
طوبى لأذانكم لانها تسمع .
نقول ان كل الموجودين فى الكنيسه بيتم تصنيفهم على انهم أرض جيدة من تأثير سماع كلمة الرب .
ويفرح الجميع . والكل يشعر بهذا الأحساس الداخلى الجميل وهو عبارة عن سلام بفرح .
ويخرج الجميع من باب الكنيسة وهنا تبدأ الأرض المقدسة بفعل كلمة الله فى التحولات إلى أنواع أخرى .
إنسان يبدأ فى الحديث والأستخفاف والتهريج المبالغ فيه . وتتحول أرض قلبه إلى أرض طريق وتاتى طيور السماء ( الشيطان ) لتأكل كل البذور الموجوده عليه والتى حصل عليها بنعمة سماع الكلام المقدس
اخر يبدأ فى ترتيب أمور حياته بطريقة مادية بحته ـــ فلا تجد كلمة الرب مكانا فى قلبه . وتتحول أرضية قلبه إلى أرض صخريه . وتموت نبتة الكلمة فى قلبه .
أما الأنسان الكثير من المشاغل والأهتمام بأمور الدنيا . فبمجرد خروجة من الكنيسة يبدأ فى التفكير فى أموره ومشاغلة وتتحول أرضية قلبه إلى أرض مليئه بالشوك وتخنق كل نبته صالحة فى قلبه ...
الله تبارك اسمه عادل جدا وحكيم وكل خليقته مقدسة ..
ويعطينا كل يوم بركة كلمته فى تثبيت قداسة قلب الانسان ليكون ارض صالحة باستمرار .
أما التغيرات التى تحدث , فنحن مسؤلون مسئلية كاملة عنها .

اخيراّ ليست عدم الفهم غباء . بل الاصرار على عدم الفهم هو الغباء نفسه !!!!!!!!!!!