باستناك مش زي المراقبين الصبح اكتر منهم

[walaa farouk]

عارف لما تستنى حد هينقذك من وضع صعب أنت فيه ..
وتفضل تستنى وتستنى .. وفي الاخر مايجييش😩

ده خلاني في كل مرة باستنى حد أو حاجة، بيبقى وقت قلق .. وقت متعب .. وقت حيرة ..🙆‍♀️
"مش متأكد" أنه هييجي أو أن الحاجة دي هتحصل ..

لكن بنلاقي "انتظار" مختلف بيقول عنه في (مزمور ٦:١٣٠) .. "
نَفْسِي تَنْتَظِرُ الرَّبَّ أَكْثَرَ مِنَ الْمُرَاقِبِينَ الصُّبْحَ. أَكْثَرَ مِنَ الْمُرَاقِبِينَ الصُّبْحَ."

نفسي تنتظرك زي الناس اللي قاعدين في الليل وبيراقبوا الصبح وهو جاي .. هما "متأكدين" أن الصبح جاي .. بنلاقي "يقين" بيتكلم عنه كاتب المزمور ..
يقين بينهي كل خوف .. استنزاف .. حزن ..☺️

👈يعني قاعد في قلب الليل "الطويل" .. لكن متأكد أن هييجي صبح🙌
👈قاعد في قلب الليل "المضلم الكئيب" .. لكن متأكد أن هييجي صبح
👈قاعد في قلب الليل "المخيف" .. لكن متأكد أن هييجي صبح

منتظرك بيقين ..
📍يعني مفيش أي شك إنك مش جاي ..
📍مفيش أي شك أن وجعي مش هيخلص ..
📍مفيش أي شك أن شفائي جاي .. بطريقتك
📍مفيش أي شك أن حزني هيتقلب لفرحة من أيدك ..

باستناك .. مش زي المراقبين الصبح ..
إنما أكتر من المراقبين الصبح🤲😍