|
 |
 |
 |
|
رقم المشاركة : ( 1 )
23 - 09 - 2012, 08:09 PM
|
|||||||||||
|
|||||||||||
|
''مانجا'' مرسي تثير سخرية تويتر  الرئيس محمد مرسي بعد لقاء أجراه الرئيس المصري محمد مرسي مع التلفزيون المصري، وجد مستخدمو المواقع الإلكترونية في بعض من حديثه مساحة للتندر والسخرية، ولعل متصفحي فيسبوك وتويتر يلاحظون تكرار السخرية من موضوع المانجا، الذي أصبح الشغل الشاغل للمصريين في بداية هذا الأسبوع. فخلال اللقاء، الذي بث مساء السبت على قناتي النيل والقناة الأولى، تناول مرسي عدداً من القضايا كان من أبرزها الخطط المستقبلية الخاصة بالاقتصاد والسياحة والزراعة، وتطرق إلى زيادة نسبة المحاصيل الزراعية في مصر، وأعطى المانجا كمثال على ذلك، قائلاً ''إن إنتاجها زاد هذا العام، وانخفض سعرها في الأسواق''، وكان هذا المثال الذي قدمه مرسي هو ما فتح الباب أمام المصريين للسخرية مما قيل. فعلى فيسبوك، وردت بعض المشاركات على صفحة ''هنا الثورة''، منها ''مشروع النهضة هيركز على منجانية التعليم''، وقالت مشاركة أخرى: ''وما نيل الطماطم بالتمني.. ولكن تؤخذ المانجا غلاباً.'' وعلى نفس الصفحة، كتب القائمون عليها: ''في يوم من الأيام، قال الشعب لماري أنطوانيت، إننا لا نجد الخبز يا جلالة الملكة، فقالت لهم: كلوا بسكويت.. واليوم، الشعب يقول لمرسي: الطماطم بـ8 جنيه يا ريس، ليجيبهم بالقول: كلوا مانجا.'' كما استوحى القائمون على الصفحة كلمات من وحي أغنية أم كلثوم الشهيرة ''أعطني حريتي''، قالوا فيها: ''أعطني مانجتي أطلق يديا.. كل مرة بنهضتك تضحك عليا.'' وفي معرض الردود، كتب علي ميكي يقول: ''متستغربوش من واحد بيقول اصبروا على مرسى 4 سنين.. ده انسان بطبعه مش حاسس بالفقر ولا بالفساد ولا الظلم اللي حواليه.. بكل بساطه البلد مليانه بؤر فساد.. لو حصل تطهير فعلي هيظهر ولو حصل تطبيق للحد الأقصى للأجور هنقدر نوفر الحد الأدنى بعده.. لكن بعد 80 يوم من الرئاسة السلع تغلى.. والمانجا ترخص.. وبكل بجاحة الناس تدافع عن الأداء الهش الضعيف ده.. دي أشخاص تعشق العبودية.. احنا ثوار للحق وللعدل.. وهنفضل ورا الحق والعدل.'' غير أن صفحات أخرى على فيسبوك لم تجد في هذه التصريحات أي مدعاة للسخرية، ومنها صفحة ''إمسك فلول''، التي تساءل القائمون عليها حول أسباب مثل هذه التعليقات، فكتبوا: ''دي التصريحات اللي الرئيس مرسي ذكر فيها المانجا.. اللي شاف في الكلام ده حاجة عيب يقول!'' وفي معرض الردود، كتب مروان حجاج يقول: ''معظم الي بتريقوا أنا واثق أنهم ماشفوش الحوار أصلاً''، وقال حسام نصر: ''كلام عادي فعلاً بس للعلم أن نتيجة المنتجات دي مش في عهده لأنه بقاله 3 شهور فقط.'' أما ساسا هنداوي فكتبت تقول: ''ده ضحك ع الدقون مانجه إيه اللي رخيصة والنبي خليه يسكت، ده كوباية عصير المانجا بـ4 جنيه''، وكتب صاحب حساب شفاء الروح يقول: ''الكلام مفيهوش عيب والحوار كان في مجمله جيد.. لكن المتربصين يحملون الكلام معاني لا أصل لها، فهم هدفهم التشويه فقط، حتى وإن كان الكلام ليس به أي عيب.'' وعلى تويتر، برزت الكثير من التعليقات الساخرة مما قاله الرئيس مرسي، ومنها ما يلي: Sabrology@: سيادة الفنان الرئيس مرسي: المانجا ما رخصتش في عهدك.. دي كل حاجة تانية هي اللي غليت. AhmedZaky@: الدستور المصري الجديد شبه المانجا.. بيزفلط وفيه بذرة كبيرة أوي اسمها الجهل!.. بمناسبة إعلان مرسي أن المانجا في مصر بقت أرخص من الطماطم! Canzz__@: فعلاً سعر المانجا فى عصر النهضة بقى فى متناول الجميع ده بقى أرخص من رغيف العيش، ده أنا بغمس الفول بالمانجا دلوقتي. Ibrahim_Elgarhi@: احنا فعلاً شعب تافه علشان نسيب كل الكلام اللي قاله الرئيس ونمسك في المانجة.. مفروض نتأمل كلامه كويس يمكن نلاقي فيه انواع فاكهة تانية. Andyegypt@: قرض مليار دولار من السعودية.. قرض 2 مليار دولار من قطر.. قرض 6 مليار دولار من صندوق النقد الدولي.. مرسي بيلبسنا في الحيط ويقولنا المانجا رخصت. larrynabil@: النظام القديم وفر لنا الكوسا والنظام الحالي وفرلنا المانجا ... :@ عايزين أيه تاني يا طفسين؟ مصراوى 
|
 |
|
العرض العادي
