شخصيات كتابية نتعلم منها (رعوئيل حمو طوبيا )

[walaa farouk]

رعوئيل حمو طوبيا ( طوبيا 7)



اسم عبري معناه "صديق الله" أو "الله صديق":
والد سارة زوجة طوبيا المذكور قصته في الأسفار القانونية الثانية (سفر طوبيا 7، 8، 9، 10، 14).
وكانت جاريته تقوم بتعيير سارة بسبب موت أزواجها السبعة (طو 3: 7-10).
تعالوا نتعرف أكتر على رعوئيل ونشوف هنتعلم ايه؟
1- رعوئيل الكريم
كان رعوئيل يتمتع بالكرم والضيافة لما جه طوبيا لزيارته وقبل أن يعرفه أدخله بيته وأضافه وحتى في عرس بنته عملت وليمة عظيمة ولما تزوج طوبيا بنته وربنا رفع عنها الشيطان أعطى نصف أمواله لطوبيا وصك بالنصف التاني بعد موته
2- رعوئيل المكسور
كان أصعب ما في الأمر على رعوئيل انه يشوف بنته مكسورة قدامه ويدفن بنفسه الرجال اللي يتجوزوا بنته ويشوف تعيير الناس لبنته حتى من جارية
3- رعوئيل المكرم
رعوئيل بسبب كرمه ومحبته لعشيرته واهتمامه بأسرته أصبح مكرم من الجميع حتى أن المدينة كلها فرحت لسارة بنته برغم ان في ناس كانوا بيعايروها لكن في الآخر فرحوا مع الجميع
تعالوا نطبق اللي اتعلمناه
1- كن كريما مع الكل فإن الكرم مش بس في المال لكن الكرم في المشاعر الطيبة والكرم في الكلمة الطيبة واهتم جدا بضيافة الغريب لأن كأس ماء بارد لن يضيع أجره
2- اهتم بجروح الآخرين وحاول تخفف عنهم
الناس محتاجين سندة ولو كلمة طيبة تخفف ضغوط وهموم الحياة
3- إن تمسكت بوصايا الله وسلكت باستقامة يعطيك الله نعمة في عيون الجميع وتصبح ملك على قلوب الجميع